阿斯財經投資專欄

  今個星期有幾日假，我想整理好兩個比較重要的題目，第一個係4月份股市的睇法，第二個係由CCASS睇第二季的大戶重心股。加上一連幾個星期我都係寫策略/數據類的主題，今日反而想同大家計一條數，可以話係奶粉倉其中一個成功的因素，大家都應該為自己去計一計呢條數。 在我過去提供的一堆策略中，或者每日大戶資金流表入面都有一粒數，就係(MDD)maximum drawdown，大家應該未必好明白這粒數有幾重要，我相信除了做program trade的人之外，其實都無人會認真地計這粒數，但我認為是非常重要的一個話題 ! 好多時大家用同一個策略，有人用會爆倉，有人用資產會以倍數上升，分別就係在於你有計定無計呢粒數，可以同大家分享，我當年奶粉倉未實行之前都係計了這個數先開始。 - 第一︰先了解maximum drawdown( MDD ) 之前有好多文章有同大家介紹過，MDD就是過去一段時間入面一個策略的回報自高位後回調的幅度，如果用一張圖的解釋就係下圖。 如果要再用更淺白的解釋就係，你假設而家行緊衰運，賭親都輸，最多會輸幾多。而每個策略都有自己的MDD，可能多可能少，只要你係有系統地買賣，都基本上會計到MDD，即使例如你每日都跟我指數位做trade都會計到MDD。 比一個例子大家 DAY 1 +200 => Drawdown(0) DAY 2 -200 => Drawdown(200) DAY 3 -50 => Drawdown(250) DAY 4 +200 => Drawdown(50) DAY 5 +100 => Drawdown(0) 上面例子，你見到5日入面，DAY3既Drawdown係250，係5日入面最多，所以你最黑仔就係輸250 (MDD=250)。好，去到呢度，你知道點計，但都未必知點解要計，下面就同大家分享你需要計的2個最重要原因。 - 第一︰計算到每一次應該下注幾多金額 - 假設你炒期指，你知道自己策略drawdown係10%（你真係要計 !） - 如果用指數平均20000點計算 - 即係最大可能係連續輸，輸大約2000點 - 2000點 *$50 = $100000 - 即係黑起上黎，你可以一次過輸10 萬 - 所以假設你戶口只有10 萬 (一張大期按金大約8-10萬) - 而MDD = 10%/2000點/10萬的情況...

  話說星期五恆指急跌，同一日之時其實離岸人仔同日大幅貶值，如果計USDCNH的話，當日升了0.76%(即人仔貶值了)，而同樣地港股當日亦曾經大跌近500點，不過問題係，兩者係咪真係有關係 ? 而事實上離岸人仔及港股的，經常都會被認為似係有一定關係，以近兩個星期情況看，離岸人仔上升的日子，港股都係上升趨勢，但離岸人仔仔下跌的日子，港股都係下跌趨勢。兩者之間似乎有一定關係，所以實上兩者可否建立一個相關的策略 ? 嚴格上黎講，這篇文不算是一個策略，我也不知道是什麼，反而有少少想讓大家了解一下處理一些比較麻煩的數據時的處理方式。   第一步︰外匯市場數據的處理 首先，我地認識一下一個比較難處理的話題，就係外匯的數據係邊度拎，同埋要點樣處理，我不是一個經常處理外匯交易的投資者，所以市場上最容易獲得離岸人仔數據的方法就係INVESTING https://hk.investing.com/currencies/usd-cnh-historical-data 由於外匯市場係24小時交易，如果要它的數據來做量化計算的話，就要先知道這些數據的交易時間，它的紀錄時間係香港時間的05:00 – 05:00，即係話他不是接近香港的一般交易時間，是橫誇了港股開市前及收市後的夜期時間。 亦即係，例如 18/3 05:00(外匯市場數據開展) -> 09:30(香港開市) -> 16:00 (香港收市) -> 19/3 05:00(外匯市場數據結算) 所以圖表中18/3的外匯數據其實係香港時間早上5點至第二朝(19/3)早上5點 而18/3的期指數據，就係香港時間09:15 – 16:30。另外，要留意的是這裡離岸人民幣價格，我係用USDCNH計算(FUTU直接打USDCNH就可以)，如果USDCNH下跌了，即係離岸人民幣上升了，反之亦然。 所以當你最終比較兩組數據時，你要知道自己想做什麼的比較。因為如果你用18/3的外匯數據同18/3的期指數據做比較，其實係計算他們交錯的時間中發生什麼事。這不是完全無意義的，我們之後會同大家解釋一下。 第二步︰計算兩者相關性 我們既然想知道離岸人仔同港股有無關係，當然最簡單的方法就係用兩者同日的表現作最簡單的比較，然後會發現，兩者間是有超高度的重覆性。 5年期間，Day trade的話有近6萬點回報，overnight的話...

  在我每天早上的分析當中都會用到市寬數字，現在大家都用手機交易股票，未必會用電腦版面，所以我就同大家分享如何用手機設定相關市寬數字。 1. 自選->右上角放大鏡->選股器 2. 最下面- > 創建選股策略 3. 技術指標->日k ->自定義->MA2>MA19 4. 完成 *至於大家想知道點樣用的話，就睇返之前講市寬嗰篇文章

最近係思維爆發期，我係手起馬有幾個話題想同大家一齊分享，包括市寬的運用﹑一周效應的應用﹑離岸人民幣的影響…大家如果有睇我這兩個星期的分析文章入面提到不少參數，有一個數字好多人問，大家好似明白，又好似不明白，就係市寬 ! 今日我會先分享基本概念，更多數字/數據式的分享會在之後再同大家分享。 最後亦都會教大家點樣係futu入面最簡單地設定市寬的指標。 市寬（Market Breadth）是一個分析整體市場強弱的一個指標，是量度整個市場股票強弱的一個指標。而且市場上通常有2種形式表達市寬數，第一︰單純以MA20/50/100等平均線作為標準，量度大市有幾多%股票在這些均線之上 ; 第二︰以短線平均線(2/3)MA升穿中期平均線(19/20) MA作為計算。兩個計算方法分別不是太大，總之就係量度有幾多股票強勢，有幾多股票開始轉為弱勢。 有趣的是market上個個人都講，但從來無人有好有系統的整理及教學，我會先在這裡分享三種最常用的方法，同時我亦都會同大家分享我當中的一些發現。 第一種︰用市寬數預視見頂/見底 這種方法最不難理解，亦都最多人用，大市通常有一個周期，買->買->買->超買->沽->沽->沽->超賣，但要量度幾時係超買，幾時係超賣，我比一幅圖大家睇一睇可能會更明白。首先，嗚謝刀仔既datalouder提供數據及圖像，大家有興趣都可以上去睇下，有CCASS的分析，亦都有市寬的分析 !  這裡用了一個最常見的50日線作為市寬標準的對比，加上過去5年的恆指數據，有2個明顯的現象可以睇到。 1. 通常市寬(整體股份>50天線)的比例少於或接近20%時，市場非常接近底部，再博向下的值博率非常低 2. 通常市寬(整體股份>50天線)的比例多於或接近60%時，市場非常接近頂部，再博向上的值博率就會變低 當然，大家都會留意到，過去6次接近60%的市況，有2次市寬是明顯超過60%的，而接近20%時，又有2次會低過20%。不過整體比例不算太多，而且維持時間亦不會太長，所以，我自己的操作就會提醒自己當出現這種情況的時候再博向上，或向落的值博率開始會低，要有心理準備隨時市況逆轉，更加可以大膽地嘗試作逆向操作。 不同的市寬設定方法的值又會不一樣，例如我在節目中經常提到的2天線升穿19天線的量度方法，當市寬跌到500以下時，見底機...

  首先，必須要講，呢篇文係真心正的分享 ! 必須要睇多幾次，今年的港股的市場一定會非常有用。 話說係我研究期指策略之前，我係財技類的股票世界打滾了一段不短時間，間接直接地見證過好多大戶如何用財技收貨，然後高位一步步沽貨的操作，當然亦都因為工作的關係，親眼見識過不少大戶在上市前及或上市初期的操作，不過後來大家都知，這類財技股因為缺水及監管機構收緊的關係，而日漸息微。 當時研究這類股票最重要的工具就係ccass(中央結算交易系統)，簡單來講就係一個可以分辨到大戶買貨沽貨情況的一個港交所設立的披露平台。 當然，好多人還會停留在以為這個ccass系統只是細價股有用吧，但其實很多大價股一樣適用，你可以觀察到一個/多個大戶在這隻股票的倉位變化，對於未來這隻股票的升跌意義重大。什至我曾經單靠CCASS，多次在股票業績公佈前，就成功估到公司業績的情況，之後用期權多次獲得10倍8倍的盈利。 首先︰了解中央結算交收系統(CCASS) 中央結算系統大概係90年代開始實行，因為當時市場缺乏一個良好的記帳系統，為了良好地紀錄股票的流向及買賣情況，所以當時港交所就設立這個結算系統。 參考網址︰ https://www3.hkexnews.hk/sdw/search/searchsdw_c.aspx 簡單來說就是當有人進行了某隻股票的買賣後，這個系統就會紀錄這筆成交及在系統中顯示出來，無論是大戶散戶的買入/賣出的數量﹑時間，有時還可以推算到是那間行沽出，那一間行買入。不過仍然有兩個重點要留意︰ 1. 系統只會反映T+2的情況︰即係你即日交易後，當日CCASS不會即時有反映，要到兩日後，待股票正式完成交收(香港行T+2的交收制度)，才會反映在CCASS之上。 2. 系統不會反映個人操作︰在這個CCASS系統上出現的股票持有人，多數不會以個人名義出現，例如我(阿斯)透過富途買入1000股騰訊(HK.700)，系統只會在T+2後反映，富途多了1000的騰訊，不會顯示個人名字。(當然有人把股票提取後，再到港交所登記，個人名字就會出現在CCASS上，不過很少出現這個情況，這個是後話) 當然，細節及功能仍然有好多，之後我再跟大家分享，反正這個位置大家只是讓大家有初步概念。之後我就會簡單教大家用兩步由CCASS找出最值博的股票。 第一步︰找出TOP 10持股的變化 如果在港交所的網站，在CCASS輸...