不可以忽略的一個即市神器! 離岸人民幣隱含年賺20000點的港股交易策略？

 

話說星期五恆指急跌，同一日之時其實離岸人仔同日大幅貶值，如果計USDCNH的話，當日升了0.76%(即人仔貶值了)，而同樣地港股當日亦曾經大跌近500點，不過問題係，兩者係咪真係有關係 ?

而事實上離岸人仔及港股的，經常都會被認為似係有一定關係，以近兩個星期情況看，離岸人仔上升的日子，港股都係上升趨勢，但離岸人仔仔下跌的日子，港股都係下跌趨勢。兩者之間似乎有一定關係，所以實上兩者可否建立一個相關的策略 ?

嚴格上黎講，這篇文不算是一個策略，我也不知道是什麼，反而有少少想讓大家了解一下處理一些比較麻煩的數據時的處理方式。

 

第一步︰外匯市場數據的處理

首先，我地認識一下一個比較難處理的話題，就係外匯的數據係邊度拎，同埋要點樣處理，我不是一個經常處理外匯交易的投資者，所以市場上最容易獲得離岸人仔數據的方法就係INVESTING

https://hk.investing.com/currencies/usd-cnh-historical-data

由於外匯市場係24小時交易，如果要它的數據來做量化計算的話，就要先知道這些數據的交易時間，它的紀錄時間係香港時間的05:00 – 05:00，即係話他不是接近香港的一般交易時間，是橫誇了港股開市前及收市後的夜期時間。

亦即係，例如

18/3 05:00(外匯市場數據開展) -> 09:30(香港開市) -> 16:00 (香港收市) ->

19/3 05:00(外匯市場數據結算)

所以圖表中18/3的外匯數據其實係香港時間早上5點至第二朝(19/3)早上5點

而18/3的期指數據，就係香港時間09:15 – 16:30。另外，要留意的是這裡離岸人民幣價格，我係用USDCNH計算(FUTU直接打USDCNH就可以)，如果USDCNH下跌了，即係離岸人民幣上升了，反之亦然。

所以當你最終比較兩組數據時，你要知道自己想做什麼的比較。因為如果你用18/3的外匯數據同18/3的期指數據做比較，其實係計算他們交錯的時間中發生什麼事。這不是完全無意義的，我們之後會同大家解釋一下。

第二步︰計算兩者相關性

我們既然想知道離岸人仔同港股有無關係，當然最簡單的方法就係用兩者同日的表現作最簡單的比較，然後會發現，兩者間是有超高度的重覆性。

5年期間，Day trade的話有近6萬點回報，overnight的話就有13萬點回報。而且兩者有一條非常完美的向上曲線。

但係，大家千萬不要太興奮，不要以為找到什麼超強的策略。因為這個計算是計算大家同日的表現，就正如我見到700升/跌之後，計番當日HSI升/跌，結果都應該係差不多。

這個數據其實係單純話你知兩者之間係非常有關係，如果你見到CNH(離岸人民幣)當日上升的話，恆指當日多數都係會升，CNH跌的話，恆指當日多數都係跌。

不過，可以延伸思考的地方有3個︰

1.      05:00 – 09:30 之時離岸人民幣可能已經有先行的情況，籍著香港市場未開市之時，你已經可以預視到當日市況。

2.      中午12:00-13:00 的時份，港股休市，這個時候觀察離岸人仔的變化，對午後回來短時間的上落是非常有幫助的。

3.      如果見離岸人仔全日強勢，當日日中HSI就不要胡亂做淡了，反之亦然

第三步︰但對後市有無啟示作用 ?

雖然我地知道即市是有用，而且兩者間都有一定關係。但實際上對後市又有無幫助 ? 我們嘗試用前一日的離岸人仔數據去做第二日恆指的TRADE，

即係例如18/3離岸人仔上升了，19/3開市我地就做好倉。

18/3離岸人仔下跌了，19/3開市我地就做淡倉。

我地分別以即市(09:30開倉 – 16:00倉)，同埋過夜(09:30開倉 – 第二個交易日09:30平倉)做計算，最後我地發現兩者又真係有少少關係。

當我地觀察到如果前一日離岸人民幣上升超過0.1%，第二日恆指多數可以延續升勢，但如果上升少於0.1%的話，第二日恆指就不可以延續升勢了。

不過5年的整體表現其實只係還好，不算太突出，如果以overnight的角度計算，5年間賺22000點，即係平均一年4400點，MDD都有近6000點，sharpe ratio 只有0.88。

總結︰

1.      離岸人民幣價，對即市的影響是比較明顯的，兩者間是非常明顯的正向關係。

2.      對後市的影響性就相對較細，不過仍然有一定影響。