港股「超賣」了嗎? 跌幾多個 X% 撈底值博率最高 ? 用過去數據計比你睇。

 

係外國著名的冠軍級投資理論「vcp」入面，有一個對於 「風險」 幾有趣的理論，叫做「overextended」過度延伸，其實係股價短時間內大幅上升/下跌，就會嚴重拋離平均線，通常係用斜度去量度，如果拋離愈遠，即使走勢幾好都好，都唔應隨便進場，因為隨時有散水的可能性。

如果我講一個例子大家就會明白，例如2024年9月的港股，經歷了一段狂牛，當然走勢非常好，恆指在多條平均線之上，但在大跌之前的最後一個交易日，恆指最高價係23241，當時20日線是19170，證明當時恆指已經比過去20日平均上升超過4000點，如果以幅度計係超過20%，是一種非常典型的過份延伸狀態，結果10月5日A股一開市，港股就立刻低開低走，下跌超過2000點，所以某程度上這個overextened的概念是有機會成為一個 「低買」﹑「高沽」 的策略。

不過終究這個overextended 的理論多數都係事後孔明多，回調左你就話佢係overextended，未出現就會比人話「升市莫估頂」，究竟有無實際數據，統計到港股多年來咩情況先會出現overextended，不如同大家一齊研究一下。

第一步︰為量度定立一些準則

1. 以20日線作為是否過度延伸的標準

2. 計算不同程度的過度延伸幅度對後市的影響

(0-1% ; 1-2% ; 2-3% ; 3-4%; 4-5% ; 5-8% ; > 8%)

3. 量度出現這個幅度變化後一日﹑三日﹑五日後的大市表現

4. 用過去5年的恒指數據處理

第二步︰處理20日線樓上的情況

*我將平均表現多於+/-0.4%的情況highlight。

1. 香港過去5年市況是有高有低，但明顯short bias係比較嚴重，除非能高於20日線2%以上，否則仍然不可以掉以輕心，有機會只係假突破。

2. 一般的市況下，介乎於高於20日線2% - 4%，港股後市表現是係比較好

3. 但一般情況下，超過20日線4%，已經會有明顯的回調風險

4. 如果大市一旦突破20日線5% ，港股屬於牛市狀態，繼續上升的機會極高

5. 但當一突破了8%，overextended過度延伸就會出現，表示隨時出現回調機會

6. 所以港股向上過度延伸，普遍情況下超過20日線4-5% 或 > 8%，之後港股回調的機會就會好大，應該減少入場。

7. 而當升穿5%的阻力位的時候，就有機會變成牛市，而不會出現overextended的回調。

第三步︰處理20日線樓下的情況

*我將平均表現多於+/-0.4%的情況highlight。 

總結︰

1. 處於低於20日線4% 的情況下，並不會出現overextended 的情況，成功「撈底」的機會好低，只係表示後市進入弱勢的機會大增，後市繼續跌的機會都幾大。

2. 如果超過4%，什至係8%以上，就有機會出現overextended的情況，即係市況隨時反轉，繼續博淡倉都就要好小心 !

3. 不過大家要注意一個風險。以上的統計都曾經出現過一些好極端的情況，例如2022年的3月16日，是過去5年入邊低於20日線最大的情況，曾經低於20日線17% ; 而上年年尾2024年10月7日，是過去5年入邊高於20日線最大的情況，曾經高於20日線20.7% ; 如果格硬用8%的準去撈底/沽貨，係有機會要「捱價」。

今次這個研究是採用了過去5年的港股市況，所以普遍你會睇到，下跌的機會係比較多，不過同時亦都驗證了港股不論是上升還是下跌其實都會出現overextended而反彈/回調的情況，而且是有實際的數字及統計可以出現。

下次當大家見到港股大幅上升/下跌時，不坊可以留意一下距離20日線大概有幾遠，分分鐘係比你博中低買高賣的好機會。

好有趣地，執筆當日，恆指低過20日線4.24%，有無機會係overextended ?