每日高開/低開有數得計 ! 淨係賭高開低開，一年可賺20萬! ?

每日都會有人問的問題 ? 好倉/淡倉過夜好 ? 用數據話你知幾時好倉過夜最好 ?

這個問題曾經困擾了好耐，特別以前我不是做那麼多day trade的時候總會諗究竟幾時好倉過夜比較好，即時到現在每日都會有人inbox 問好倉過夜定唔過夜好 ? 我今日會嘗試用數據話比大家知，好/淡倉過夜定唔過夜好 !

第一步︰過夜倉位的預期回報

既然我地想知好倉過夜定唔過夜，我地首先就計一計，如果在完全不理會任何情況下，過去5年純粹淨係好倉過夜，平均每日預期回報竟然係 +9.78點 ! 勝率係52.9%

即係話如果不加入任何條件，即使在香港過去5年的情況下，每日收市都好倉過夜，其實都不會輸大錢的。不過實際上大部份回報都係2019 – 2020年時候出現的，如果近3年，反而無特別上落的。

第二步︰加入附加條件，增加過夜勝算 ?

1. 20日線

我在節目及patreon 中經常提到20日線，如果我地將20日線判斷成為好/淡倉過夜條件，即係當日收市>20日線就好倉過夜，<20日線就淡倉過夜，結果︰

- 淡倉過夜的預期回報係 -6.03點 ; 淡倉勝率46.7%

- 好倉過夜的預期回報係 +14.71點 ; 好倉勝率52.14%

這個結果其實幾有趣 >20日線以上，好倉過夜的預期回報算係幾理想 ; 不過淡倉過夜回報即使在 <20日線以下，其實也不算好。

亦都係點解我成日講如果淡倉過夜就不如夜期先抽高沽的原因。

2. 當日升跌 ?

我以前有同大家分享過，香港市場單跳機會比較大的，但實際上更多情況是如果當日係升市，第二朝大機會通常係高開才下跌。所以我地量度兩樣野，如果當日係升市就博好倉過夜，跌市博淡倉過夜會點 ?

- 淡倉過夜的預期回報係 +0.32點 ; 淡倉勝率48.22%

- 好倉過夜的預期回報係 +20.01點 ; 好倉勝率53.9%

3. 當日陽燭/陰燭 ?

不過我有講過當日升/跌，不是最重要，最重要反而係當日陽燭/陰燭，簡單來講就係陽燭就博第二日高開，陰燭就博第二日低開，結果會點呢 ?

- 淡倉過夜的預期回報係 +1.71點 ; 淡倉勝率47.9%

- 好倉過夜的預期回報係 +22.5點 ; 好倉勝率53.7%

第三步︰用388 代替HSI ?

我之前有同大家提過其實388 的參考性是比HSI 更大的，例如我地參考388 是否升穿20日線比起388 是否升20日線來判斷轉勢，其實更有參考價值。所以我地試一試將第二步的條件改一改，如果388 >20日線，我地就好倉過夜，388 < 20日線，我地就淡倉過夜︰

- 淡倉過夜的預期回報係 -0.55點 ; 淡倉勝率47.8%

- 好倉過夜的預期回報係 19.8點 ; 好倉勝率60.23%

最後我地發現，的確388 是否升穿20日線，其實比HSI 更有參考價值，

第四步︰整合不同的指標

到這步，其實我地已經大概掌握了高開/還是低開的可能性，我地起碼發現，

1. 388 是否升穿20日線，與高開/低開有關係

2. 當日升/跌，與高開/低開有關係

3. 當日陽燭/陰燭，與高開/低開有關係

我地最後就可以將上面3個條件整合，整合成一個高開/低開的分數，例如

1. 高開 ; 2. 低開 ; 3. 低開 => 判斷第二日低開機會大

1. 高開 ; 2. 高開 ; 3. 低開 => 判斷第二日高開機會大

……

- 淡倉過夜的預期回報係 6.12點 ; 淡倉勝率48.37%

- 好倉過夜的預期回報係 28.45點 ; 好倉勝率54%

整個判斷高開/低開的策略回報，過去5年19894點，Sharpe ratio 1.19

睇上去好似唔係好高，但實際上只係睹高開/低開，所以是不錯的。

總結︰

1. 如果在不計算任開情況下，其實港股偏向於高開少少，而多於低開，只係日中表現差，導致港股整體下挫

2. 但有不同條件會影響港股高開/低開的機會，包括當日是否升穿20日線，當日升跌等都是一個決定性因素

3. 所以我經常提大家，如果>20 日線，可以好倉過夜 ; < 20日線，可以夜期時段抽高先沽，其實由上面的數據已經可以看出來。