阿斯財經投資專欄

  最近市好，大家一齊加油，努力學多少少野 ! ! 全新研究，與大家分享 ! ! 第一步︰港股的平均日波幅 以前我在基礎知識那篇文章提到香港期指的日波幅大概就係350點，當然大家都會明白30000點的日波幅及15000點的日波幅顯然不會一樣，如果換化做百分比的話，大概就係1.6-1.8 %左右，即係話以現時24000點的HSI計算，日波幅就大概係380-420點左右。 下圖是我少少過去的統計，大家可以參考一下。 第二步︰基本策略 其實根據上圖，你已經可以思考到幾個問題，包括幾時係食糊的好時機 ? 幾時可以反手 ? 呢一刻繼續買上/反手的勝算有幾高 ? 大家入場前不妨可以參考呢個表。 我打個比喻，例如港股最近升勢比較強，經常都可以做到日波幅400點或以上，如果你真係想食糊/反手，理應等全日波幅出現400點之後吧，未出現之前可能都係積極部署同一個方向會係更好的選擇。 第三步︰有無其他影響全日波幅的可能性 ? 好，當然大家近日睇到港股的波幅遠遠不只400點，可能一日500/600/800都有可能出現，究竟有無其他可能性會影響到港股的波幅呢 ? 其實我起碼想到4個。 1. 外圍表現 (例如美國上落過1000點/美國議息/中美消息…) 2. 本身前一日波幅非常大 3. 港股本身有權重股業績公佈/或配股等重大新聞 4. 當日成交量變大 我自己覺得1-3都不容易量度，而且無太多客觀準則，所以我就嘗試由第4點入手，即係當日成交大細。 第四步︰成交與當日波幅有關係嗎 ? 首先，我量度了過去2年日波幅點數與最後成交量的關係，公式上就直接用correlation 計算好了，公式如下 然後我發現兩者間的關係去到 0.78 ，即係高度相關性，證明當日波幅與當日成交量有重大關係。 但未去到收市，我們絕對不會知道最終成交量，但如果我地只計開市頭15分鐘/30分鐘，與當日最終成交會有關係嗎 ? 最後，我發現兩者關係系數去到 0.6 ，亦係一個明顯的正向關係。 然後我就統計頭15/30分鐘後，與最終成交的關係︰ 所以基本上我地係可以透過頭15分鐘/30分鐘的成交量，估到當日最終波幅會係幾多，30分鐘的統計留在期指班與大家分享。 例如︰ 2月13日頭15分鐘成交394億，最終全日波幅788點 2月6日頭15分鐘成交179億，最終全日波幅359點 *不過要注意，如果本身遇到特別大的事件，例如今日...

  首先，新一年繼續祝大家旗開得勝 ! 買升有升，買跌有跌 ! 話說今個星期我整理緊大家上堂的課程內容，我發現我有點太過份了，每一堂接近80 - 100版，10堂加埋都幾多，什至有少少愈寫愈多的感覺。 而在整理的過程當中，我覺得有些幾有趣的內容，也能夠解釋到不少我之前一直在每朝教學update上的概念，想與大家分享。 首先，比大家睇下一幅圖，是港股過去一時間(5-6年)的升跌幅度及時間周期。  1. 港股升係特別快，跌係特別慢 2. 升市時，多數能守住20日線，20日線以下多數呈下跌趨勢 3. 港股因為夾得快，20日線以上做淡倉係特別輸得特別快同多 4. 跌係跌得特別慢，所以早了入場撈底，短時間問題不大，但「溫水煮蛙」令你輸得更多 5. 大周期來說，港股似乎合123法則中的 1 突破下降趨勢﹑2沒有再創新低﹑3突破阻力位的情況，大方向上似係等壞消息或市寬周期底部買貨。 (另外，提一提大家到假期前市寬 - 1436，不算周期底部) 6. 200日線(傳統策略)/150日線(新發現)係一個好的周期平均線，來判斷應該係等回調買入定係逢高位沽出。 7. 大方向策略上，150日線以上基本就係等回調買入，150日線以下係等上升沽出。 新一年祝大家旗開得勝，更多更新及教學，大家可以留意每朝教學 !

  今日分享少少心得問題，未必太多人會鐘意呢類題材，但今日忽發奇想，好想同大家分享少少心路歷程同心得。 好多人有時都會問我，點解呢個策略行行下又唔得，或者係明明已經有哂策略，我又跟足，點解都會輸錢，有幾個原因，係我自己多年的心得，都想同大家分享下。 1. 策略本身有問題 香港市場有short bias，美股有long bias 所以如果backtest時間唔夠長 或者如果調整策略參數去配合番個數據 就好大機會overfit 如果個market 一轉變趨勢就會出問題 2. 黑仔 每個策略都有drawdown period 就算係sharpe ratio 過1的策略 係期指黎講隨時有3000點drawdown 可能性 3000點wo,一張大期15 萬wo 我諗未輸夠15萬可能你已經quit 左game 而有趣的既，通常你quit 左 個策略就會賺番 3. 計錯數 呢個點都會犯錯過 有時test 完接近一條直線，一睇就打哂xx 通常見到呢D 線，就知係計錯數 多數係用左當日數據去計當日表現 無咩既，計番岩就得 4. 忽略滑價的影響 即使你策略上今日係賺100點 有時入遲左，錯失10點8點 一日10點，一年就2500點 所以如果策略本身係賺2000點一年 淨係計滑價一年已經可以由賺變輸500點 5. 策略的出入次數極高 承上滑價的問題 如果你策略涉及一日多次進出場的話 或者係價格激烈變動的情況下出現信號 滑價影響就會更大 所以我亦多次強調奶粉倉的策略 每日一trade，絕對係好選擇 用AO / 午市 / 收市作為準則的話 實際表現就會更乎合backtest 情況 最後的最後，有咩解決方法 ? - 選擇滑價可能性更低的策略 - 盡量backtest時間更長 - 有心理準備/金錢準備會遇到drawdown - 用一籃子策略，代替一個策略

  係外國著名的冠軍級投資理論「vcp」入面，有一個對於 「風險」 幾有趣的理論，叫做「overextended」過度延伸，其實係股價短時間內大幅上升/下跌，就會嚴重拋離平均線，通常係用斜度去量度，如果拋離愈遠，即使走勢幾好都好，都唔應隨便進場，因為隨時有散水的可能性。 如果我講一個例子大家就會明白，例如2024年9月的港股，經歷了一段狂牛，當然走勢非常好，恆指在多條平均線之上，但在大跌之前的最後一個交易日，恆指最高價係23241，當時20日線是19170，證明當時恆指已經比過去20日平均上升超過4000點，如果以幅度計係超過20%，是一種非常典型的過份延伸狀態，結果10月5日A股一開市，港股就立刻低開低走，下跌超過2000點，所以某程度上這個overextened的概念是有機會成為一個 「低買」﹑「高沽」 的策略。 不過終究這個overextended 的理論多數都係事後孔明多，回調左你就話佢係overextended，未出現就會比人話「升市莫估頂」，究竟有無實際數據，統計到港股多年來咩情況先會出現overextended，不如同大家一齊研究一下。 第一步︰為量度定立一些準則 1. 以20日線作為是否過度延伸的標準 2. 計算不同程度的過度延伸幅度對後市的影響 (0-1% ; 1-2% ; 2-3% ; 3-4%; 4-5% ; 5-8% ; > 8%) 3. 量度出現這個幅度變化後一日﹑三日﹑五日後的大市表現 4. 用過去5年的恒指數據處理 第二步︰處理20日線樓上的情況 *我將平均表現多於+/-0.4%的情況highlight。 1. 香港過去5年市況是有高有低，但明顯short bias係比較嚴重，除非能高於20日線2%以上，否則仍然不可以掉以輕心，有機會只係假突破。 2. 一般的市況下，介乎於高於20日線2% - 4%，港股後市表現是係比較好 3. 但一般情況下，超過20日線4%，已經會有明顯的回調風險 4. 如果大市一旦突破20日線5% ，港股屬於牛市狀態，繼續上升的機會極高 5. 但當一突破了8%，overextended過度延伸就會出現，表示隨時出現回調機會 6. 所以港股向上過度延伸，普遍情況下超過20日線4-5% 或 > 8%，之後港股回調的機會就會好大，應該減少入場。 7. 而當升穿5%的阻力位的時候，就有機會變成牛市，而不...

  早幾個星期我在每日朝早update中提到港股有3個潛力板塊，有幾會炒一季以上，包括1. 內銀股 ; 2. 手機設備 ; 3. 新能源股，當然其中頭兩個板塊表現已經非常好，致於新能源股則暫時還在橫行區域，未有突破情況。亦都想分享比大家知道為什麼會能夠揀出這3個板塊，就算將來沒有我keep 住update 大家，大家都可以靠自己在港股尋寶。 第一步︰查看整個板塊的ccass情況 關於ccass這個問題，大家可以睇之前篇文，最重要就係2步，第一︰睇一段時間top 5/10的持股變化 ; 第二︰確認持有者「Holders」數目是否持續下降。所以最理想的情況就係大戶持續買入，而散戶持續沽出，這種情況代表大戶正在持續收集股票。如果大家想更深入的學習可以睇番之前教點樣用ccass的文章。 https://www.patreon.com/posts/bi-xu-di-jin-yi-100103020 這個可算是香港市場獨有的優勢，基本上t+2後，所有大戶的買賣情況都會放到上港交所網站，正如之前同大家提過手機設備板塊，例如2382由11月底開始首10名大戶的集中程度已經由93.35% 上升到94.19%。如果再早推前一點的話就會發現2382的ccass由5月開始已經不停有大戶買入，短短幾個月增持了近5%，而事實上近幾個月2382的上升幅度已經超過7成。 所以簡單來說，大戶增持，散戶沽出的股票，之後上升的機會是明顯會更大的，而且開始炒作之時，短則有1-2季，長則可以達1年以上。不過要去到1年以上的炒作，多數要有同一個板塊內幾隻股份同時出現類似情況才可以實現。都嘗試比一個list 大家，當我去查不同板塊時會一併查的股份。 例如︰ 科技類︰700﹑3690﹑9988﹑9618﹑1810 手機設備類︰2382﹑2018﹑1415﹑1478﹑285 內銀/險類別︰1398﹑939﹑3968﹑2628﹑2318 內房︰688﹑960﹑3900﹑1918 車股︰1211﹑175﹑2333﹑2015﹑9868﹑9866 煤炭股︰1898﹑1171﹑1088 資源股︰358﹑2600﹑347 金股︰2899﹑1818 體育用品股︰2020﹑2331﹑1368 芯片股︰981﹑1347﹑522 醫藥股︰2269﹑2359﹑1801﹑9926﹑13 新能源股︰1811﹑956﹑916﹑2208...