「國指數據回測」阿爺可以決定港股命運嗎 ? 真係可以用國指炒恆指 ?

 話說早一段時間，我聽標叔開live，佢講到一樣野，我講大概意思好了，忘記了實際字眼︰「你睇實個國指啦，國指唔差呢，港股好難差嫁…」初時我覺得有點有趣，但又覺得有點難量度，但亦都把又把這件事記起心入面，

之後有好幾次，我記得大概係恆指當日無咩升跌，我當時還在15﹑16應該做好倉定淡倉，但當時我望一望國指原來已經跌緊，後來恆指又真係碌埋落去，之後又有一次恆指微跌緊，但國指已經升緊，之後恆指又跟番升上去…

後來令我更加有感覺，難道國指真係有領先性 ? 其實可以望實國指炒恆指 ?

第一步：首先了解國指及恆指的組成部份 !

在真正做量化之前，不如我地先了解一下國指的成份股是什麼 ? 同恆指又有什麼主要分別 ?

國企股指數就有50隻成份股，簡單來說就係單純同中國企業有關的指數，包括民企﹑央企﹑h股都包括在內，最大比重除了經常見到的ATM(騰訊﹑阿里﹑美團)之外，還有不少內銀股在內，而且建行更都佔了近7%。

恆指的成份股就有82隻，包括了比較多香港的公用事業股﹑本地金融股及本地地產股，其他與國企指數的分別就不是很大，而本地因素這3個部份加埋大概佔了恆指25%左右。

由此我地可見，國企指數的表現應該會更快及更直接地反映內地情況，或者更反速地反映外資對國企的投資情緒。所以國企指數表現領先恆指可能是非常合理的一件事。

不過我地都要以量化的方式計算，是否真的如此，而且能否研究出一個無論在計算上還是操作上可行的量化策略/計算。

第二步︰處理「領先」的意義

由於國企指數同恆生指數其實係同時段交易，所以沒有前後的次序，在量度領先的方法上，我們要花多一點心思設計，起碼有3種方式可以量度。

策略一︰如果前一日國指跌得多過恆指，代表之後恆指就要跌 ?

策略二︰如果國指高開幅度少過恆指，代表當日恆指都係要跌 ?

策略三︰如果國指當日日中表現比恆指差(例如開市到高位升幅少過恆指)，代表當日恆指都要跌 ?

第三步︰再回測三種情況下的結果

策略一︰如果前一日國指跌得多過恆指，代表第二日恆指就要跌 ? 反之亦然?

兩者間似乎無必然關係，表現比較飄忽，不論是過夜的操作，還是第二朝番黎的操作都係比較差，由這個角度睇策略一可以話係完全失敗。

策略二︰如果國指高開幅度少過恆指，代表當日恆指都係要跌 ? 反之亦然?

這個策略似乎有少少希望，day trade方面無太大驚喜，但如果只係睇overnight條線，的確是一個幾好的回報，不過這裡實際上有一個邏輯的問題，因為這個策略係籍著高開的幅度判斷HSI走勢，如果只係overnight的表現好，但day trade表現一般，證明策略的大部份回報都係過夜時什至係高開/低開一刻已經體現，這個策略的可行性就會降低 ; 不過，這個策略仍可以表明，國指如果高開多過恆指，實際上差極有限，但如果低開多過恆指，全日就要小心了。

策略三︰如果國指當日日中表現比恆指差(例如開市到高位升幅百份比少過恆指)，代表當日恆指都要跌 ? 反之亦然?

這個策略似乎比之前的都更有希望，無論是DAY TRADE定OVERNIGHT表現都係持續向上，5年間的回報都係接近200%。不過這個策略同上面策略二的OVERNIGHT情況一樣，由於我地係希望知道國指的日中表現(例如開市到高位升幅少過/多過恆指)，等到你知道這個情況，可能已經會MISS了一大段升幅/跌幅。不過，同樣地，這個策略同樣可以表明如果國指的日中表現好過恆指，即日的餘下時間就不可以睇得太差。

總結及改良策略

1. 如果單用國指的表現去建立一個恆指的可行策略，實際上難度都幾高

2. 不過以上的測試睇得出國指係明顯有領先恆指的情況，起馬當國指是強勢的時候，恆指的表現都不會差

3. 如果真係想改良策略，建議可以用分時做量度，判斷全日走勢，例如先量度指數在09:30 – 09:45 的相對表現，再決定當日那一個比較強勢。

4. 另外亦都可以好像我文章一開始所講，當市場還未選擇到方向的時候，不妨參考一下國指的走勢，應該會比到方向你參考。