一個真正長勝的策略 ? 一條公式計到點做回報最高！數據化計算市場中性策略(market neutral strategy)

市場永遠係不確定，即使你某個方向幾肯定都好(例如聽日升/聽日跌)，你都總會有輸錢睇錯既機會，呢個時候我們傾向會係市場上面買保險，無論大戶散戶都會做，機構更加會做，例如一方面買入，另外一方面就會買跌。或者用一最簡單的術語就係pair trade。

簡單/複雜地解釋一下

好多人可能會問，我又買升，又買跌，最後個市一係升，一係跌，點解會有得賺 ? 其實背後原理，就好似你見到最近NVDA強勢，但同一個版塊的AMD表現就好弱，你又唔知大市升定跌，最後你大可以買NVDA，沽AMD，最後如果大市係升，強勢的NVDA就會升得更多，如果芯片版塊不慎跌，弱勢AMD就會跌得更多。又例如最近香港資金主力追棒中資股，科技股的動力較低，我地在不清楚市況下，可以買恆期，沽科期，目的就係無論升市跌市下都會有保障，賺取到兩者中的差價。

如果複雜而且用好多術語講解講的話，就係希望將BETA值(大市的影響性)減低到0，純粹賺一些Alpha。如果期權市場的話，都有期權市場的market neutural strategy，只不過對像就係由beta轉至delta，利用不同期權組合將delta 控制至接近0。(我朋友歐陽一心有本書講呢樣野，不過應該絕版了，我屋企有一本珍藏，最近有跟他提起，他說︰不要再說了。)

所以簡單來講 - (market neutral strategy)有3個重點

1. 通常會在不確定市況下進行操作

2. 買入看好的，賣出不看好的

3. 兩者最好有一定關係，令你承受的市場風險接近為0(beta為0)

其實，亦會有人覺得pair trade係scam，最重要原因係因為無特別計算過或者單純憑感覺就去做pair trade，覺得某隻強勢就做call，某隻弱勢就做put，最後可能強弱忽然逆轉，導致得不償失，又或者係佢地覺得做兩注成本高了，為什麼我不直買升或者買跌 ?  (當然前題係他們能肯定後市的升跌嗎?)

我地直用一個例子就會明白，點解有部人覺得pair 係無用，而有部份人又會好祟拜。

道指vs 納指

假設我們在不做任何的計算下，單純看到t-1(前一個交易日)道指>納指(用%計算)，我地就call 道指put納指，或者t-1(前一個交易日)道指<納指，我地就put 道指call納指，究竟會發生咩事 ?

結果不致於輸錢，但5年下來回報只有極少的12.86%，sharpe ratio 0.1876，比連續開5年定期回報更少。

不過如果我們輕輕更改中間的參數，例如減低做好道指的門檻，適當地改變道指納指做好做淡的條件，反而會得到近80%的回報，而sharpe ratio 亦提升至1.16，明顯高於納指的0.725 及道指的0.495。雖然只係睇圖，你會覺得比單純hold 納指賺得少，但實際上反而風險的sharpe ratio 提高了，即係你往後面對的風險其實是更少了，亦變相代表你可以做更大的槓桿。

市場中性策略的核心問題

由上面的例子，但聰明的讀者應該會意識到，要做好pair trade 其實就係要解決三個根本問題︰

1. 如何決定買入/賣出的兩個標的是什麼 ?

2. 如何決定買入那一個，沽出那一個 ?

3. 如何決定買入或沽出幾多 ?

第一條︰如何決定買入/賣出的兩個標的是什麼 ?

歷史上對於pair trade有好多不同的策略及研究，有好多不同的看法，最早期是找兩隻歷史走勢相關性好高的股票做交易，當走勢與歷史有偏離時就即刻做trade，期待一日兩者關係性重回正軌 ; 又到後來有研究買入估值過高vs沽出估值過低的股票 ; 之後亦有人會兩個指數(道指vs納指 / 恆指vs 科指 ) ; 同一個板塊入面兩隻走勢不同的股票…其實花款都幾多。

不過，我看來覺得只有指數類，或者同一個板塊入面兩隻走勢不同的股票，這兩種形式是最好的，第一︰指數有槓桿，成本佔比會較少 ; 第二︰判斷趨勢的不同最容易出現短線獲利機會。

第二步︰如何決定 買什麼 ? 沽什麼 ?

選定好目標之後就要決定幾時買什麼，同埋幾時沽什麼，我這裡會有恆指同科指做一個示範，我地首先試一試，單純看到t-1(前一個交易日)恆指>科指(用%計算)，我地第二日就call 恆指put科指，或者t-1(前一個交易日)恆指<科指，我地第二日就put 恆指call科指，究竟會發生咩事 ?

由2020年科指成立到而家3年半，這個策略的pair trade 都有47%回報，不過

你會見近一年半表現就比較差，sharpe ratio 都只有0.47，雖然後比HSI的-0.32同HTI-0.275好，但都不見得是非常好。

但事實上我們的確見到港股是一段時間的強弱出現，所以我地試下調整恆指科指的入場門檻，因為科指的波動性大，所以我地設定如果T-1的HTI*0.56>HSI，我地就收市時就做科指好倉，恆指淡倉 ; 相反，如果T-1的HTI*0.56 "<" HSI，我地就收市時就做科指淡倉，恆指好倉

結果係調整完入場門檻之後表現明顯提升了，回報由47%提升至102%，sharpe ratio 都由0.47 提升至1.35。開始見得下人，值得再研究落下。

當然這種方法其實都係睇趨勢做人，所以要做好pair trade，就係要識得判斷兩者間的相對強弱，如果大家有其他判斷趨勢的方法，大家可以設值其他門檻，正如港股近日市況明顯傳統股受惠，基本上不用計算都知道大機會係做好恆指/做淡科指。

第三步︰買入幾多或沽出幾多 ?

揀完trade咩，再決定好買入/賣出條件，最後就計要做幾多倉位，這個位置可以處理4個部份的倉位，包括1.恆指買入時買入幾多 ; 2. 恆指沽入時沽幾多 ; 3. 科指買入時買幾多 ; 4. 科指沽出時沽幾多。例如，我地可以嘗試將出現沽出恆指時，沽出倉位規模由1倍，提升到1.35倍，其他則保持不變。

結果，回報無太大分別，都係接近100%，但sharpe ratio 再由1.35 提升至1.43，雖然改變不多，但亦都證明倉位的調整，對pair trade有好大的影響。

去到這步好多朋友可能覺得搞完一大輪sharpe ratio 先得1.43，3年半先得1倍回報，不是有點太低了嗎 ? 的確這個策略，因為一邊買了好倉，一邊買了淡倉，所以回報會稍為減低，而且你因為兩邊買成本都多了一倍，但相對地免卻了估市的煩惱。

我還把港股做了一堆pair trade的計算，3690 及9988的pair trade表現是不錯的，某些情況下過去5年有近2倍回報，這個交比大家去用以上方法去計一計。

總結︰

1. Market neutral strategy 在港股美股都是一個可行而且有效的策略

2. 不過有3個重點 1. 要揀岩適合的交易對，2. 計算好何時買入及沽空那一個目標，3. 計算好倉位的分佈

3. 不過要留意過去數據及規律會隨時間改變，所以要定時檢視策略的情況，最好搵出多一點可以pair trade的股票分散風險。