2024年3月份股市方向分析
我嘗試寫篇長文出黎先，睇下大家有幾鐘意 ! 係咪會員都會睇到，有興趣就亦都希望非會員的朋友會加入轉為會員支持一下。
1.1-2月回顧
我有分享過數據上1-3月都係睇淡，結果1月大獲全勝，不過在2月開初時我已經係不同LIVE提過，因為數據不會每個月都準確，所以如果真係有機會錯，我覺得最大機會就係2月，不過我當時估2月收市可能都係158 左右，結果就係165 左右收，所以2月的強勢是超出了我的預期。所以1月我係賺得幾好，2月頭回報更好，不過到2月中開始大概是我睇少了阿爺，但同時又太睇起阿爺，所以月中打後港股變成震盪市，我的表現就相對失色，單以奶粉倉計諗大概輸番1月時賺的1半左右吧，大概是1X萬吧。
2. 3月點睇?
- 這類震盪市對大家來說應該是好事，因為上午跌完，撈底，下午就會反彈 ; 上午升完，高沽，下午又真係會跌，這類震盪市通常2-3個月就會出現一次，但時間一般不會長久，
- 3月開局暫時有幾個數據大家可以留意，上月轉倉價大概16650 ，如果用上下600點計算，17250 - 16050 就會成為今個月好淡友的分界線。
- 內地股市方面，北水連續多日流入，中港股市正路有資金在買，但香港股市明顯比A股弱，而A股的升勢又明顯是托市的感覺，所以要睇照道理講A股托市到某個程度，要外資同內在資金一同支持升勢先可以持續，否則大有可能會維持在3000點左右一段時間，什至在兩位期間都會頂住。
- 港股方面，2月好一段時間都係跟A股走勢，但2月尾開始甩碌，
- 3月來看暫時短線好似弱少少，一黎388連續兩日失守20日線，而市寬(強勢股份數)亦開始由1600下跌至1504，近幾日港股的沽空都已經近200億，沽空似不停搵高位累緊實力，正式調整還要等一日低開低走才可以確認。
- 不過就近期外資資金的活躍度及市寬的強勢程度來說，看來調整深度看來不會太多，而市寬可能回到700 - 800左右已經可能見底。
- 而有可能超出預期的話，就應該是外圍股市震盪先有機會發生，例如月中的美國銀行借貸還款期完結時更有機會出現問題。
- 不過，我覺得3月打後港股都會不錯，這方面是值得期待一下的。之後會與大家分享一下。
- 額外值得留意的是騰訊3月中的業績，我而家未細心分析，但我見到一個好古怪的現象，如果以CCASS來看的話，竟然係出現外資﹑北水﹑散戶...一齊沽貨的情況，這個也很有可能會成為港股的轉捩點。
- 另外3月都比較多公司會公佈業績，我會根據CCASS跟每日patreon公佈的大戶資金流向情況，同大家到時到候分析一下。
3. 之後有無咩新搞作 ?
今個月連埋岩岩upload 都寫左3篇長文，每一篇其實都好值錢。
1. 核彈級文章 牛熊證與港股 兩者真係有關係 ? 牛多一定殺牛 ? 散戶一定輸 ? 點樣贏 ？
2. 核心技術分享 ! 每一日指數位真係有得計 ? 點解日日都比到位 ? 係人都計到出黎 ?
3. 一個真正長勝的策略 ? 一條公式計到點做pair-trade回報最高！數據化計算市場中性策略(market neutral strategy)
每一篇都嘔心瀝血，我自己預期呢排重有好幾篇文會寫，包括寫一篇關於如何睇ccass的文章﹑還有一些月線的統計﹑港股一周效應的分享﹑其實都幾多文章會分享，而且我由於感覺到(數據上)之後港股的情況會不錯，所以通告的重要性應該會增加，我自己亦會在這裡分享一些特別的通告分析，還有新開展的每日早上更新的點評，希望大家會鐘意。
我都期望今年會搞一個patreon 會員的茶聚，這個就要睇大家有無興趣了
大概分享到這個位置，多謝大家睇哂 !
未轉收費會員的朋友，希望可以轉為收費會員繼續支持下我 ! 等我有動力為大家研究更多優質的策略 !
Comments
Post a Comment