4月份市況分析
又黎每個月第一日，等我整篇大市睇法的文章出黎先，同大家分享之餘，又可以整理一下自己思路，係咪會員都可以睇到，都係果句，有大家支持我既研究，係我最開心的動力。
1. 港股的第一季總結/回顧 ?
上年年尾提提過第一季我自己偏淡少少，估二月無事，估三月係跟外圍跌，結果第一個月曾經跌近2500點之多，第二個月已經開始反彈，第三個月基本上都係走上落，外圍同港股都不見單邊的升跌幅，成個3月計最終更加只有1100點波幅，而第一季港股變左跌500點左右。3月份基本上跟我每朝提供的指數位就比較好做，好多時波幅都係朝早已經做完，下午少左跟勢再破位既情況，所以專炒下午的奶粉倉3月就只有微利。
2. 第二季點睇 ?
我分享過除左第一季之外，其他時間都覺得港股不似會太淡，當然我覺得不會一帆風順，應該不會坊間睇直接就17800，之後就20000這種變化，可能係4月先跌後升﹑5月升，然後6月跌，之後7月﹑8月又升番這種節奏。
3. 點解會咁睇 ?
講中線少少先，1. 北向資金流入的情況開始明顯，外資似乎係開始覺得阿爺不會太差，中港股市都有機會受惠 ; 2. 市寬︰上月提過港股市寬如果回到600-700(而家1000)，但指數不要跌太多就最好，結果上個月寫文既時候16600(市寬1500)，而家16500(市寬1000) ; 3. 頭肩底︰個個都講頭肩底，我執口水尾講下先。
4. 市寬跌，市唔跌，即係點 ?
這種行法幾有趣，不好聽你可以話係托沽，但好聽就係跌唔落，這種行法剛好就正正係上年12月既相反。當時係市寬升，市不升，最後港股都係得17000點，但市寬已經係1500見頂(近超買)，之後恆指1月就開始下跌了。所以同上個月分析一樣，如果市寬再回多少少到600-700(近超賣)，但指數維持16300樓上，就應該係最完美的情況，什至4月已經可能挑戰17800。
5. 短線點睇 ?
港股2日假，阿爺就連續兩日上升，黑期同ADR都沖到上16750，中概股隔夜就同美股一樣沖高回落，不過就中概好似硬淨少少，就咁睇應該唔會太差，睇下係咪一開市抽高然後回再上，連日弱勢的港交所友邦似有底味，睇下有無勢博個反彈。
6. 黎緊有咩搞?
- 因為想放多少少時間係家庭，而家無左夜晚今夜不做牛，但收到不少朋友講話想都夜晚聽下，所以我睇下之後有無機會夜晚整段短既round up 比大家。
- 黎緊會寫一篇文，係用ccass的角度分析第一季出現明顯被收集的股份，通常這些股份很有機會會成為今年港股的焦點，如果有同一個版塊幾隻做好，就更加確定。(呢個就留番係patreon 同大家分享)
- 今個月patreon 都寫左幾篇好有意思既文章，希望大家都支持我既研究
- 不可以忽略的一個即市神器! 離岸人民幣價隱含年賺過百萬的港股交易策略？
- 點解3個月就可以加注 ? 奶粉倉秘訣之一 – 教你計算注碼投放
- 「市寬」 - 一個神奇數字幫你預測大市頂底﹑買股﹑day trade ! 教埋你富途點樣set睇市寬 !
- 必須睇 ! 今年一定非常有用 ! 教你睇大戶倉位 ! 兩步教你點用ccass找出最值博的股票 !
最後，再一次多謝你睇到尾 ! 奶粉倉接近一周年，雖然無一開始預計上到咁多，但都叫做15萬上到80萬，之後有時會再同大家總結下。
最後之最後，此文章非投資建議，看法亦會隨時有變，請密切跟進。
Comments
Post a Comment