5月份市況分析(20240502)

 

比預期中高開，更新指數參考 17650 - 17947

踏入5月，相信大家都會比4月尾的最後一個星期強勢所嚇倒，究竟港股這一轉升完未 ? 5月份可以怎麼部署 ? 5窮月係咪要走貨 ? 試下寫篇文跟大家分析。(下面會講埋短線/即日點睇)

回顧4月份的預測

我多次講過除了第一季之外，基本上今年不會看得太差，3月初我做了3個預測。 1.4月份升的機會幾大 ; 2.有機會係先低後高 ; 3. 有機會挑戰17800 ; 結果，因為中東局勢問題，曾一度跌近16000點，但最終在4月尾挑戰17800，全個月計升了1220點。分析方法不太難，其實就係市寬+港交所，這套方法對於分析每個月的走勢預測非常有用，先高後低，先低後高，幾時見頂，好多推論都有數據的支撐及解釋，有興趣大家可以睇番我以前的patreon教學。

5月份走勢分析

我自己認為5月份仍然未必會太差，但先高後低的機會似乎會比較大，因為1.港交所企係20日線樓上，2. 市寬仍然處於上升勢頭。市寬︰我有一個量度指標，近600就超賣，近1600就超買，上月中東危機時曾經一度見700，港股就開展反彈，現在這個數未大概1400左右，所以又未見明顯超買 ; 388︰而家離20日線差不多$20，這個亦係港股強勢的基礎，升勢其實開始有所減慢，大戶資金流入流出都開始變得不穩定，但未見倒轉的勢頭。

有無咩見頂位置/信號可以參考

通常見頂的話，1. 388會係第一隻開始走弱，特別係以一個星期計跑輸恆指的話會更為明顯 ; 2. 市寬開始到1600左右 ; 3. 科技股明顯跑輸/轉弱勢 ; 這些都係開始見頂的跡像，加上如果有一日低開低走的話就會更明顯，未敢肯定港股會係咩位置先出現幾個情況，不過如果上個月轉倉價係17500的話，頂位有機會係18700，當然我覺得仍然以上面幾個準則更為客觀參考性，因為今個月轉倉價比較亂。

現在操作有沒有什麼重點 ?

港股是少有地港交所同恆指一齊企穩20日線，所以我會將現在這個市況歸類為強勢，強勢市況交易通常有幾個重點，1. 淡倉多數只會做日中 ; 2.淡倉過夜要極小心 ; 3. 如果見半日大跌，再追沽勝算未必大 ; 4. 如果見勢頭未有轉弱，或大幅上升的話，不妨更大瞻追上，因為港股係挾得快，跌得慢 ;

短線/即日點睇 ?

港股自從突破了17200的頸線後，就一直上升到18000，然後開始終於見回調，似乎係做pull back 再上，不過見隔夜中概股又再跑贏，似乎外資都係相對比較樂觀，即日指數參考位17541 -17849 (+/-50點望實/100點防守)，因為未知聽日開咩位，如果指數位有更新，會再update大家。

除了每日的早評﹑收市的資金流﹑賽馬日的預測外

大約每個星期都有篇量化教學文章在patreon 更新，全部都係好有意思的話題同研究，多謝大家一直以來的支持，今個月有幾個研究寫得幾好，特別係研究港股幾分幾秒見頂/底果篇，大家真係要睇睇。

「量化策略教學」 每日幾分幾秒見頂/見底竟然有數得計 ? 絕對是一個瘋狂而有趣的研究

https://www.patreon.com/posts/liang-hua-ce-lue-101961587

「量化策略教學」 科指強 恆指一定強 ? 睇住科指炒恆指可以一年賺近50萬 ?

https://www.patreon.com/posts/ke-zhi-qiang-zhi-102607671

「量化策略教學」 「尾市理論」量化分析 「尾市」30分鐘可以預測第二日股市走勢？淨炒最後30分鐘2 年可躺贏15 萬？

https://www.patreon.com/posts/wei-shi-li-lun-2-103167455

希望今次篇文無長親你地，生日周，呢幾日覺得好有趣，第一次以爸爸的身份慶祝這個日子，另外，就係多了patreon這個平台讓我發表自己的數據同教學，無論你有無訂閱過，都多謝你們一直以來的支持，之後我都會繼續做更多有趣的研究/教學比大家。

奶粉倉正式一周年啦，之後會再出一篇文同大家回顧下，同埋分享下個策略係點。