「周內效應」 過去2年星期幾買港股勝算最高 ? 邊日做淡倉勝率有8成 ! ?

 

「周內效應」其實在好多不同的地方都有研究，簡單來講就是想研究一個地方入面，有無邊日升市機會最大，又有無邊日跌市機會最大。

關於「周內效應」，未同大家分析詳細數據之前，我自己有3個最深印象的事，一︰最多人提及就係星期四的A股，我當年研究過星期四的A股最古惑，因為A股T+1機制加上星期三通常係「國務院常務委員會」會議，所以好消息消化的情況下，星期四A股表現會最差，有時亦會拉低港股表現 ; 二︰比較多當人提及的就係星期五的港股，市勢頭較好時會比較好，當形勢差的時候，星期五的多數會跌到懷疑人生。

第一步︰其他的股市會有類似的情況嗎 ?

其實是有的

中國︰星期一多數係升 ; 星期四多數係跌

美國︰星期一多數係跌 ; 星期五多數係升

日本︰星期二多數係跌

英國︰星期一多數係跌

法國﹑意大利﹑澳洲︰星期一多數都係跌

另外，我用A股做一個例子，讓大家看一看過往20年的數據

 上面例子說明了，星期幾真的明顯有不同的回報變化

第二步︰香港的情況是怎樣 ?

我用過去2年的數據作為一個例與大家分享，(這有一個問題，為什麼不用更長的數據，因為參考性反而不會太大)。

 明顯近兩年星期一﹑二的表現比較差，而星期四五的表現又不會太差。

如果你是專注於日中交易/短炒的話，就會發現結果有小小不同

日中變化

 以上面兩個港股的情況，其實引申了幾個含意

1.      近兩年，星期二港股表現最差，星期四表現最好

2.      整體上仍然與A股有小小分別

第三步︰加入20日線做量度

之前同大家分享過，港股20日線上下其實係兩個不同的世界，由夜晚做咩倉﹑下午做咩倉，其實全部都會有不同，所以我今次嘗試加入20日線同大家再計一計20日線以上/以下，星期一至五的表現。

20日線以上(過夜版/ 非日中變化)︰

 20日線以下(過夜版/ 非日中變化)︰

 上面其實顯示了過去2年一些幾有趣的情況

1.      過去2年的數據顯示︰20日線以上之時，投資氣氛好，星期一番黎通常繼續有得升 ; 反而20日線以下，投資氣氛一般，反而會跌

2.      過去2年星期二是屬於冷靜期︰如果20 日線以上，通常星期一會有得升，但星期二就會變冷靜，或者有資金離場 ; 如果20日線以下，通常星期一會跌，星期二又會有番少少反彈

3.      過去2年星期三表現多數一般 ;  星期四表現多數一致地好

4.      過去2年星期五同星期一的情況又差不多

總結︰

1.      一周效應是世界上不同地方會因應不同情況有不同，可能涉及本身政治關係﹑交收模式﹑大戶操作之變化等有影響

2.      過去2年港股的一周效應都明顯，特別係星期五﹑星期一

3.      不過可以同大家分享，過去2年的結果與我兩年之前做的類似分析基本上有變化

4.      所以過去數據不等如未來數據，這個表要持續UPDATE，先可以有最新的情況，幾年後睇這個表可能情況是完全不一樣的了。