每日交易的最佳入場時間 ? 一年回報多5倍？4個恆指DAY TRADE可以賺錢的規律 ! (下)
話說幾個月前有篇文章係講期指短炒/即日操作的幾個實用技巧及數據統計，一直都只係講左3個規律，未講第4個，一直想寫，今日終於可以寫埋比大家。我會先補充上次未寫完的第三個，之後再講第4個，強烈建議未睇(上篇)的新朋友，先睇上篇，先好睇今日這個(下篇)
(上篇可以參考番下面連結。)
第一︰用日波幅去計最值博開倉/平倉/反手位置
第二︰day trade順勢做永遠比逆勢好做
第三︰日中100點永遠係重要指標
之前寫了一半，其實前一次就係同大家分享過100點是判斷當日走勢的一個重要指標，升/跌如果超過100點之後通常會好難反轉。
不過其實這個跟趨勢是有關的，例如近日恆指的走勢偏弱(HSI<20日線)，我地會傾向相信下跌100點後的趨勢多過上升100點後的趨勢，例如就好似恆指5月30日開始後的連續6個交易日，每一日都有升超過100點，但最終只有2日保持到陽燭，而且都有一條好長的上影線，原因就係因為恆指轉了弱勢，所以轉好的趨勢反而要小心地相信。
這個情況亦洐生了2個很重要的概念︰
1. 如果市況偏弱，見到好數據都不要太開心 ; 如果市況偏強，見到淡的數據都不要太灰心。
2. 要為技術指標添加一個大方向，例如你見到10日線升穿20日線有一個黃金交差出現，但如果RSI <50，就表示市況仍然係弱勢，不應該見到金差就盲目進場。(上面只係一個例子，簡單來講，就係見到任何好轉/轉差的指標之前，你不妨諗一諗，現在大環境是弱勢還是強勢)。
這裡還引申了另一個話題，就係我會如何思考技術指標的話題，這個話題一寫又要幾千字，我係有計劃之後要寫的，所以我還是停一停好了。
第四︰早一點入場還是晚一點入場 ?
其實是一個很有趣的話題，如果我們前一日透過數據看中了一個方向，應該早一點入場還是遲一點入場比較好呢 ? 我做了一個很有趣的數據跟大家分享。如果我們建立了一個日中交易的策略，例如中概股「跑贏」美股，我地第二日就CALL恆指，中概股「跑輸」美股，我地第二日就PUT恆指，一樣都係放到盤尾先平倉，用過去幾年的數據統計，究竟是那一個時間先開倉比較好 ?
我覺得這裡有幾個好有趣的含意
1. 一個好的策略，愈早做回報率會愈高，一個壞的策略，愈早做會輸得愈多
2. 如果係跌市，唔會升住比你沽 ; 係升市，就唔會跌住比你買
3. 恆指的走勢無我們想像中「古惑」，雖然你見到回報的下跌比率是有快慢之分，但事實上整體的走勢是相當一致。
4. 有3個時段回報的下跌速度最為明顯，就係9:30 – 9:45(-21.4%) ; 10:30 – 10:45(-21.4%) ; 11:15 – 11:30(-17.2%)，意思即係你做決定最好就係呢3個時段之前。
以上4個規律，我認為最基礎的一部份，如果把這些規律熟記，應該可以避免好多錯誤。
另外，有讀者同我反映他們都好想做指數的交易，但只懂得用牛熊證，我試下今個星期再出一篇關於期指交易的入門教學比大家參考。
Comments
Post a Comment