阿斯財經投資專欄

  講明先，寫完我都覺得呢篇文是有多數據的，但非常值得大家睇，建議大家多看幾次及專心去睇。 話說，我地成日都會聽到人地講港股有「藍燈籠」，意思即係指「每當佢升，個市就會跌 ; 每當佢跌，個市就會升」，最著名的「藍燈籠」就係耳熟能詳的941中移動，什至乎我的好友Jack sir，十年前我已經經常聽到他說「亂局升中移」，可想而知中移動的「藍燈籠」地位在一眾股民心目中是非常根深蒂固。 當然，其實再上一輩的「藍燈籠」係內銀股，並不是中移動。所以「藍燈籠」只係一個統稱，實際上係講有無一類股票，一升個市就會跌，一跌個市就會升。我們先理解坊間對「藍燈籠」的幾個看法。 坊間對「藍燈籠」不外乎2種講法 1. 「資金避險論」資金想搵一些與股市相關系數低的股份避險，所以跌市就會資金擁入這些防守性較高的股份避險，但當市場氣氛轉好的時候，資金就會由這些股份流出。 2. 「相反理論」見到這些「藍燈籠」升時，大市好有機會要調整，應該要保守一點了，但當這些股份下跌時，錢就會去炒其他股份。 我自己的看法是一定是存在一些「藍燈籠」的股份，不過藍燈籠是否真的等如941 ? 而見到「藍燈籠」升，又是否代表後市會差一點 ? 今日我地就係要解決這個問題。 第一步︰定義好量度「藍燈籠」的方法 我自己諗一諗，大家對「藍燈籠」的理解，應該要分2個層面。 1. 當日股價上升，當日大市就會下跌 ? (即係t(股價) 與t(大市) 的量度) 2. 當日股價上升，之後大市就會下跌 ? (即係t(股價) 與t+1(大市) 的量度) 而就算要分辨上面兩個層面，都有好幾個方式量度一隻股票是否「藍燈籠」。 1. 當日股價 與 當日大市 表現相反方向的次數 2. 當日股價 與 當日大市 表現的相關系數(correlation coefficient) 3. 當日股價 與 當日大市 表現的最大相差數(%) 4. 當日股價 與 當日大市 方向不同時的總淨相反表現(%) 5. 當日股價上升 與 第二日大市表現(%) 6. 當日股價下跌 與 第二日大市表現(%) 前面4項就係處理t(股價) 與t(大市) 的關係 後面2項就係處理t(股價) 與第二日t+1(大市) 的關係 第二步︰當日股價 與 當日大市表現 的關係 (即係t(股價) 與t(大市) 的量度) 我將現時恆指83隻股份與大市做了不同類型的比較，直接比結果大家睇，以下都是這些...

  隨着現在的文章越來越多，好多新朋友只係睇到每日的資金流和大市分析文章，其實好多舊的教學文章，是很值得大家去翻看的。 星期六日，如果大家不是太忙，強烈建議大家去作品系列入邊，看以前的教學文章。 大家可以在app或者網站中，選擇 ->作品系列，我已經把不同的文章分類好，有基礎教學有數據統計，我自己也會翻看自己以前的研究，畢竟賺幾多錢同幾努力係成正比！ 內容會越來越豐富，希望大家多多支持。

  上次篇期指教學大家都好喜歡，都收到不少讀者講希望有些基礎的教學，想不到這些話題還幾有market，今次期指教學(下)，我就講多一些基礎但坊間什少人有理解的話題，希望新手老手都會有受惠。 1. 買賣期指與牛熊證的分別 牛熊證其實是期指交易的洐生工具，基本上牛熊證的上落是根據期指10點/15點/20點之時(視乎你買的牛熊證的兌換比例)，來決定上/落1格 (即係例如你見到隻牛由0.03->0.031 就叫上升1格) 如果我地就用最常見的換股比率10000的牛熊計算(下圖你會搵到相關數據)，基本上每上升10點，就會上升1格，即係如果100點就會上升10格。假設你買100,000股牛證，上升100點= 上升10格 = 賺了$1000 = 你買了一張細期賺了100點 = 賺了$1000。所以如果你買500,000股牛證 = 買了一張大期。 不過好多人會投訴牛熊證行不足的問題，這是因為牛熊證買賣涉及滑價/差價的問題，因為他每一格係用10點做計算，有時未到10點就唔會郁果一格，你格硬買就會拎高一格，賣出時都係同一個情況。所以有時期指升跌100點，你牛熊操作差一點的話，可能只會賺了7/8格。 買牛熊有無好處 ? 當然有，1. 收回價是一個很好的止蝕機制 ; 2. 入場門檻低，$0.03牛熊，你買500,000股(=1張大期) 都係$15000，相反你買一張大期入場都要 $100,000 按金。 2. 高水/低水的意義 所謂高水/ 低水，其實是指恆生指數與恆指期貨中間的差價，如果期指低過現價我地就叫低水，高過現價就叫高水。(如下圖) 好多人會認為高水/低水是好有效的炒賣指標，如果高水的話代表期貨市場有人寧願貴一點都買，即係偏好，低水的話，就代偏淡。但其實不完全正確。 首先，有除淨概念，例如7月內銀股會派息，恆指在除淨前會長期高於期指，因為期指是反映到期日的預期價格，所以基本上期指是減低了除淨因素，這個時候期指的低水是無意義的。 其次，如果除開除淨的概念，期指也是應該高水，因為期指=恆指+利息，所以單看高水低水意義不大。 如果真係要找一個分析的重點，反而係日中轉向，因為期指的價格是先行於指數，你可以想像期指的價格其實各個大戶莊家共同默認的價格，他們會因應成交，買賣盤而改稍為提前改變期指的bid ask，所以好多時期指的價格是行得快過恆指。所以如果日中由高水變低水，或由低...

  在打這篇文之前，其實有不少讀者都叫希望講一講期指點樣操作，畢竟近年的研究大部份都在期指上，上年度曾經用一個真倉示範如何用期指交易用一年時間，由15萬打上接近100萬。 之後我就開了這個PATREON同大家分享我一些研究，今日這篇文主要會講什麼是期指，基本原理，如何開戶做交易，與其他交易產品的比較等等。為了令大家快速上手，我只會講抽重點/精華同大家分享。 什麼是期指 ? 一般講「期指」是香港恆生指的數的期貨合約，如果你睇好未來恆生指數上，你可以選擇「買入」一張「期指」 ; 如果你睇淡未來恆指指數，你就可以選擇「沽出」一張「期指」。 而「期指」的升跌就係預期恆生指數的表現而有變化，恆指上升，或者大家預期未來恆指上升，就會買入期指，之後期指就會上升 ; 相反，恆指下跌，或者大家預期未來恆指下跌，就會沽出期指，之後期指就會下跌。 恆生指數本身不可以進行交易，只有其「期貨=期指」才可以進行交易。 如何計算輸贏 ? 如果你睇好後市而「買入」一張「期指」，之後恆生指數上升，你就會贏錢，如果恆生指數下跌，你就會輸錢。 相反 ; 如果你睇淡後市而「沽出」一張「期指」，之後恆生指數下跌，你就會贏錢，如果恆生指數上升，你就會輸錢。 輸贏幾多就會用你買入價/開倉價作為開始的計算，並用你平倉價作為結算。續點去計算輸贏幾多。 例如你在期貨18000點時「沽出」期指，如果最後下跌100點，你覺得跌得差不多而平倉，你就會賺100點。(如果升了100點，你止蝕就會輸100點)。 大期/細期 ? 如果你選擇期指做操作，之後可以根據風險受程度可以分選擇大期/細期操作，細期的合約比例係大期的1/5，即係輸贏都係當1/5計算。 大期︰$50/1點，如果你賺100點就係贏$5000，輸100點就輸$5000 細期︰$10/1點，如果你賺100點就係贏$1000，輸100點就輸$1000 一般來說，你資金足夠，風險接受程度高，又好有信心，就會用大期操作，相反初學者一般是以細期開展。以恆生指數一日平均約300點計算，大期一日上落就係300點 $50 = $15000 ; 如果細期上落就係 300點 $10 = $3000。 平日操作應該買幾多張 ? 這個是風險管理的問題，亦涉及你平時用開策略的回報﹑drawdown的計算，可以睇番作品系列入面有2-3篇文章有講到如何計算注碼投入比例。 但基本上如果是初...

  6月回顧︰ 6月份開始之時，講左幾個觀點︰1. 6月數據上係偏淡少少 ; 2. 市寬未到底 ; 3. 低位望17250 比較合理。結果6月最終如預期係跌，跌361點，但全月波幅比預期細(只有約1140點)，所以淨係trade下午的奶粉倉6月就賺6萬左右。 7月點睇/部署 ? 7月﹑8月數據上都係比較好少少，但整體應該係先低後高機會比較大。原因係第一︰市寬截至星期五大約係760，比起超賣仍然有少少空間 ; 第二︰港交所仍然距離20日線有一段距離，未似可以話轉勢 ; 不過隨市寬的回落到底，加上月中的三中全會忡憬，我自己仍然預期7月中好倉的值博率其實幾高。 而6月的轉倉價大約係17800，所以預計今個月的波幅係17250 – 18750，所以好倉相對值博位置應該係17250 附近比較好。 不過我之前同大家提過港股出現過黃金交差，但一個月之後相關位置明顯失守，所以看來失效的機會比較大，即係未必會幫到港股有一個好長遠的升浪，什至幾個月之內會變番死亡交差，亦確立了可能7-8比較好的股市環境後，9月的市況又會再度轉差。 焦點板塊 ? 我自己7月睇好似阿爺類別的機會多，內險﹑基建﹑電力會穩陣少少，致於科網﹑藥股﹑電動車因為太殘，應該會有一波比較明顯的反彈，但反彈的時間應該會好短，彈完之後都係歸於平靜機會大。 即日點睇 ?   隔夜中概股都係跑輸美股，日中買盤實力就不是太夠，不過沽空都未算多，上星期最後都有不少散戶睇淡，估計今日早段應該會有反彈，之後再跌，指數參考位17516– 17825。有咩問題，歡迎大家ig 再黎問我。 今個月都寫左幾篇有趣的文 「周內效應」 過去2年星期幾買港股勝算最高 ? 邊日做淡倉勝率有8成 ! ? https://www.patreon.com/posts/zhou-nei-xiao-qu-105579925?utm_medium=clipboard_copy&utm_source=copyLink&utm_campaign=postshare_creator&utm_content=join_link 回測每日交易的最佳入場時間 ? 一年回報多5倍？4個恆指DAY TRADE賺錢規律 ! (下) https://www.patreon.com/posts/mei-ri-jiao-yi-106004909?u...