新手全攻略 - 期指交易(上)

 

在打這篇文之前，其實有不少讀者都叫希望講一講期指點樣操作，畢竟近年的研究大部份都在期指上，上年度曾經用一個真倉示範如何用期指交易用一年時間，由15萬打上接近100萬。

之後我就開了這個PATREON同大家分享我一些研究，今日這篇文主要會講什麼是期指，基本原理，如何開戶做交易，與其他交易產品的比較等等。為了令大家快速上手，我只會講抽重點/精華同大家分享。

什麼是期指 ?

一般講「期指」是香港恆生指的數的期貨合約，如果你睇好未來恆生指數上，你可以選擇「買入」一張「期指」 ; 如果你睇淡未來恆指指數，你就可以選擇「沽出」一張「期指」。

而「期指」的升跌就係預期恆生指數的表現而有變化，恆指上升，或者大家預期未來恆指上升，就會買入期指，之後期指就會上升 ; 相反，恆指下跌，或者大家預期未來恆指下跌，就會沽出期指，之後期指就會下跌。

恆生指數本身不可以進行交易，只有其「期貨=期指」才可以進行交易。

如何計算輸贏 ?

如果你睇好後市而「買入」一張「期指」，之後恆生指數上升，你就會贏錢，如果恆生指數下跌，你就會輸錢。 相反 ;

如果你睇淡後市而「沽出」一張「期指」，之後恆生指數下跌，你就會贏錢，如果恆生指數上升，你就會輸錢。

輸贏幾多就會用你買入價/開倉價作為開始的計算，並用你平倉價作為結算。續點去計算輸贏幾多。

例如你在期貨18000點時「沽出」期指，如果最後下跌100點，你覺得跌得差不多而平倉，你就會賺100點。(如果升了100點，你止蝕就會輸100點)。

大期/細期 ?

如果你選擇期指做操作，之後可以根據風險受程度可以分選擇大期/細期操作，細期的合約比例係大期的1/5，即係輸贏都係當1/5計算。

大期︰$50/1點，如果你賺100點就係贏$5000，輸100點就輸$5000

細期︰$10/1點，如果你賺100點就係贏$1000，輸100點就輸$1000

一般來說，你資金足夠，風險接受程度高，又好有信心，就會用大期操作，相反初學者一般是以細期開展。以恆生指數一日平均約300點計算，大期一日上落就係300點$50 = $15000 ; 如果細期上落就係 300點$10 = $3000。

平日操作應該買幾多張 ?

這個是風險管理的問題，亦涉及你平時用開策略的回報﹑drawdown的計算，可以睇番作品系列入面有2-3篇文章有講到如何計算注碼投入比例。

但基本上如果是初學者的話，多數會控制每日賺蝕在總本金的3%-5%內，例如你本金有$100,000，3%即係$3000，每日恆指的平均波幅就300點，即係你用1張細期操作就是最好。

當然，這涉及你本身策略的情況，但就算更好的策略(例如我奶粉倉)，$100,000本金都不應該交易多於3張細期，否則每日承擔風險就會太大。

期指的按金制度及槓桿比例 ?

上面有分享期指一點係$50，如果現在18000點計算，其實這張期指背後的總值是$50*18000 = $900,000。

但實際上你進行期指買賣，卷商不會要求你戶口有$900,000先比你買賣，基本上一張大期的按金約~$100,000, 一張細期的按金~$20,000，視乎不同券商決定。

所以你交易一張大期，本身已經係用$100,000槓桿$900,000的現貨，現在有些行推出再比你加大5倍槓桿，即係$20,000按金就可以買一張大期。其實是風險極高的操作，因為你是用$20,000 買$900,000的貨，爆倉風險會好高，你坐貨能力會好低。

維持保證金安全水平

如果你買賣一張大期，根本上你戶口要有$100,000按金才可以操作，但如果不幸與你方向預期相反，例如你買升，但跌左100點=輸$5000，你戶口的按金就會不足$100,000，這個時候券商不會斬你倉，通常券商會定8成的安全保證金水平，只要你按金能維持到8成(大期計即$100,000的8成，即$80,000)，你的期指就可以繼續運作。

但如果你的大市的方向與你預期一直相反，例如你買升，但跌超過400點，你就會帳面輸超過$20,000，帳戶內的保證金就會少於券商$80,000要求，介時券商就會要求你補倉去乎合安全水平，但如果你不補倉，他就會斬倉，幫你強制平倉。

介時就會根據強平價去做結算，正常來說你戶口的錢是不會歸零，情況就好似牛熊證的到收回價情況一樣。

今次講得太多，下次同大家講下

• 期指與牛熊證的分別

• 高水/低水的意義

• 如何開期指戶口及買賣

• 期指的結算價

• 期指的交易費用/雜費