「高低水理論」數據實測 ! 高/低水與恆指真的有關係 ? 高水真係好，低水真係差 ? 睇高低水2年可以賺50萬 ?

 

這個是一個接近都市傳說級別的問題，高水/低水究竟對個市有無影響 ?

第一步︰正確了解高水/低水

首先，我地了解番什麼叫高水/ 什麼叫低水 ? 基本上香港市場分有恆指現貨及恆指期貨，指數本身不可以買賣，只有期貨才可以交易。

只要期貨<現貨(指數)，我地就叫低水 ;

只要期貨>現貨(指數)，我地就叫高水

例如，恆指現時18000點，期指17950，我地就叫「低水」50點。

相反，恆指現時17950點，期指18000，我地就叫「高水」50點。

通常我地會相信期貨，因為期貨是可以被交易，其變化會比指數早。

通常富途的報價已經會有寫高水/低水幾點，或者自己在相關時間點做相減就可以知道高低水情況。

第二步︰高水代表睇好 ? 低水代表睇淡 ?

坊間普遍講法會將「高水」定義為大戶睇好後市，因為期指市場係代表大戶的未來預期價格，所以如果高水，代表係睇好後市 ; 相反，如果「低水」就代表大戶睇淡後市，究竟係咪真 ? 我地首先即刻睇一睇回測結果。

如果我地每日朝早見到係高水(不論任何時段)，我地就CALL 恆指，然後每朝低水，我地就PUT 恆指，直到收市。過去2年表現其實就好似下圖一樣…(我已經試了任何一個時段)

結論係基本上任何「高水」/「低水」指標是對當日市況都係無解釋作用。

當然，做成上面結果，我地要留意「除淨」因素。

例如6﹑7月內銀股會派息，派息後會「除淨」，「除淨」後股票價格就會下降，之後指數都會根據情況調整。所以出現「低水」的時候要留意通常是除淨比較多的月份，除淨前就會出現「低水」的情況，因為期指的價格已經考慮了除淨的因素，所以通常除淨日後「低水」的情況就會消失，所以本身高水/低水這個概念是要考慮除淨因素，亦導致點解「低水」不一定差，「高水」又不一定好。

不過事實上，除淨因素都係5-7月最為重要，但觀乎過去幾年的統計，似乎其他月份都無一致的好表現。所以要用除淨因素解釋「高水」/「低水」預測力不足的問題，作用其實不大。

第三步︰考慮高/低水的變化是否會更有解釋力 ?

當然，直接考慮「高水」/「低水」是其中一個方法，但不時會受除淨因素影響，如果我地考慮每日「高/低水」與前一日「高/低水」的變化，會否有所啟示 ?

假設我地今日見到「高水」幅度比前一日增加，或者「低水」幅度比前一日減少，我地就做好倉，反之就做淡倉

例如昨日9:40分，我地見到低水20點，今日9:40見到高水5點，我地做即刻做好倉，收市平倉

或者昨日9:40分，我地見到高水10點，今日9:40見到高水5點，我地做即刻做淡倉，收市平倉

最終會不會有不同結果 ?

結果其實都係無解釋力。除此之外，我還試了多種模式，例如只係統計由低水轉高水先做好倉，或者係加入不同的附加條件，例如兩日相差5/10/20/30/50點等，才觸發好淡倉，結果都係強差人意。

第四步︰真正可以應用的地方 ?

去到這一步相信大家都可能會好灰心，覺得這個似是而非的數據其實係咪無什麼用吧 ? 事實上，我已經試了幾十個回測的方法組合，的確能擺得上台面的結果並不是好多。

但有兩個幾有趣的情況可以與大家分享一下︰

1. 「日中市況好壞」與「日中高低水變化」有明顯關係

例如我把每日09:45 及15:45 時的高低水做比較，然後再與09:45 及15:45時的期指做比較，兩者的相關性的確是很高，過去兩年情況就如下圖︰

2年回報14000點，Sharpe ratio 接近2.47。

2. 另外，「兩日股市表現」與「兩日間的高低水變化」是有明顯關係

例如我地用「今日與昨日15:45 時的高低水情況」與「今日與昨日收市時的期指變化」，兩者的相關性都是很高，過去兩年情況如下

2年間回報27000點，sharpe ratio 為3.18

不過上面兩個情況都不能夠成為一個策略，因為我地無可能預先知道日中的高低水變化，或者預先知道明天的高低水變化，所以上面兩個圖只係表明︰

1. 「港股的表現」與「高低水變化」相關性極高 ;

2. 當我地見高低水幅度出現明顯變化時。就要改變自己對市場的睇法，例如低水情況比昨日收窄了，或高水情況比昨日提高了的時候，就不要再太淡了。反之亦然。

第五步︰有無其他可行策略可以參考 ?

在我運行一堆計算之後，我發現了一個幾有趣的策略，我將每日收市前(15:45)時的高低水，與第二朝開市時(09:30)的高低水，作出一個比較，然後根據情況在乎(09:45)開始買入/賣出期指，直到收市。

例如︰

前一日(15:45)高水10點，今日(09:30)高水1 點 => 今日高水低了 => 看淡

15分鐘後(09:45) 開始做淡，直到收市(16:30)平倉

前一日(15:45)低水5點，今日(09:30)高水30點 => 今日高水高了 => 看好

15分鐘後(09:45) 開始做好，直到收市(16:30)平倉

最後結果如下︰

2年內有10000點回報，sharpe ratio 有1.75，MDD 1700點

算係比較可以見人的回報，不過大家對上面的條件可能會覺得好奇怪，但我可以嘗試解釋一下。

1. 收市時涉及競價，價格會在16:08在可以正確反映，所以收市一刻的期指高低水不能夠準確反映，實際高低水情況，所以用15:45 的高低水情況便已經足夠。

2. 開市時的競價在09:20 便已經會完成，所以之後有10分鐘時間，比期指大戶消化應該要做上還是做落，所以會提前反映在期指價格上，所以09:30是一個值得參考的標準

3. 開市後通常會有15分鐘的不穩定時間，用來把散戶趕落車，所以15分鐘後09:45才開始行動會是一個更能反映當日走勢的機會。

總結︰

1. 高/低水本身單獨看是沒有意義的，高水不代表好，低水不代表差

2. 高低水變化與未來股市走勢的變化，解釋力都不高

3. 但高低水的變化的確與當前股市的走勢有很大關係，不過難以形成一個策略，因為我地不能夠預先知道未來高低水的變化

4. 不過如果日中看到期指的高低水出現變化，也證明了市場的行情是出現了轉變，可以比大家做參考是否需要轉變策略

5. 唯一一個暫時看到比較好可以發展成策略方法，就是用今日開市與上一日收市的高低水作比較，來判斷即日的走勢，已經是一個比較好的方法。

6. 我自己覺得這不算是一個非常易用的策略，不過參考性還是非常不錯的。