20241209 「大挾600點 ! 真升定假突破 ? 」 特別即市分析

 有觀眾問我可唔可以有個簡單的分析比大家

下午最後一個鐘夾600點，究竟係真升定假突破 !

首先分幾個重點講︰

1. 今日發生咩事 ?
今朝有提到上午先高後低機會大，結果亦係先高後低。下午本身都預先高後低，因為當時388 未升穿20日線，所以下午覆大家等彈沽比較好，但如果3點後先到開淡位就唔好淡了，因為尾市拉升/下跌係最真(參考尾市理論)。結果3點後中央經濟工作會議開展，提了幾個重點方向，當時大市就即刻夾升600點。

2. 即市操作上有無咩特別 ?
如果大家有留意，3點後388 其實一下升穿了20日線($295)，呢個情況下HSI 同388 都升穿20日線的話，尾市再開淡的值博率就會更低，進取的朋友什至可以根據以前文章的尾市理論尾市追好倉，不過呢個就睇膽量了。

3. 如果MISS 左止蝕位點算 ?
每日下午市況，我都有比一個防守位大家參考(大概40/50點左右)，不過有時我知大家未必會跟，都會唔認輸，我比多一個統計數據大家，經過我統計多年的數據，下午如果同開市位計輸超過160點多數都救唔番，即係話你點唔認輸160 點都一定要認輸。

4. 後市點睇 ?
388 同HSI 都升穿20日線，正常黎講走勢就算係轉強了，所以開淡倉就要非常小心，因為都有同大家分享過港股夾淡會特別勁，收市時市寬大概1400，距離中線市寬超買位置1500/1600，重有小小距離，而中央經濟工作會議仍然進行中，所以黎緊一兩日仍會好似今朝咁講都係頂住，會議結束後配合市寬先會有明顯調整。所以今個星期仍然係估先高後低機會大，不過成個星期計就似乎唔會倒跌了。

5. 操作上有無咩特別 ?
如果388 同HSI 都升穿20日線，淡倉就唔會特別過夜，尾市亦係做好倉機會大過大淡倉，跌左再追淡倉的機會亦會比較細，一直等到有一日明顯低開低走先會預示調整的開始。

6. 聽日有無咩睇法 ?
而家夜期都再抽高200點左右，暫時睇聽日高開300/400點的機會比較大，正路計高開少於400點的話，都係等回買比較大，不過一切留意埋今晚中概股走勢先再下定論。聽朝再UPDATE 大家 !