阿斯財經投資專欄

  8月回顧︰ 8月初時我講左幾個不同預測，包括 1. 三地大跌不會形成股災(美﹑日﹑香港) ; 2. 8月港股不會太差，先低後高，低位16500，高位17800 ; 結果全月除左月初的大幅下跌之外，美國﹑日本的確沒有再出現大跌，而香港低見16441之後，就開始反彈至18200，最終收在18000 關口，全月波幅1700 點左右。 自問預測算係唔錯，雖然預測得幾好，但有幾個交易日其實表現不是太好，因為低估了20日線以上的夾沽空能力，所以全月埋單計雖然輸的日子不算太多，但表現反而一般。 9月展望︰ 首先單由結果講，我覺得9月係未必太強，但應該會係先高後低機會大，首先388 > 20線，而市寬只係大概1150 左右，所以距離中線見頂仍然有一段距離，而上個月恆指轉倉價大概17650 ，所以今個月好淡分水嶺應該就係17100/18200，當然你問我更加重要的位置就係20日線， 月初推升恆指的因素，不外乎1. 阿里入港股通，2. 阿爺式量寬令內地股市上升帶動香港股市，不過預期月中之後走勢會比較復雜，我自己估計有機會係外圍短線調整而帶動，之後10月還會有上升機會。 不過具體的睇法，我會每日在patreon 及節目keep 住update大家。 即日有咩睇法 ? - 恆指成份股沽空︰101億 -> 127億 (陽燭沽空升, 偏淡) - 市寬數︰1050 -> 1120 (市升市寬升, 正常) - 中概股 0.49% 跑輸 美股 1.19% (intraday 都跑輸) - Put call ratio︰ 0.95 -> 0.8 (無特別) - 牛熊資金流︰牛-1.2億 ; 熊︰1.3億 (散戶偏淡) - 南向資金 13億 - 北水買︰700﹑2318﹑1810﹑12111;   北水沽︰1398﹑939﹑2015 - 中概跑輸 + 沽空又多，似乎唔太好 - 好在散戶瘋狂睇淡，所以又未必太差 今個星期先低後高機會大 預期今個星期︰17400 - 18100 左右 而今日就睇下係咪 早段升一升 -> 回調 -> 下午再睇下點 即日指數參考︰17600 - 17935 有咩事中午可以ig 再問我 今個月有無咩會update ? 有 ! 1. 馬季又開鑼啦，今個月開始每個賽日繼續會有電腦預測 ! 2. 我同我programm...

  今年寫過一篇文係關於大市的「尾市理論」，當時我試用最後30分鐘的大市表現數據，推算出大市第二日升跌﹑機會率﹑回報率等情況。詳細我不多解釋，大家可以睇番之前的文章。 「尾市理論」量化統計 「尾市」30分鐘可以預測第二日股市走勢？淨炒最後30分鐘2 年可躺贏15 萬？ https://www.patreon.com/posts/wei-shi-li-lun-2-103167455?utm_medium=clipboard_copy&utm_source=copyLink&utm_campaign=postshare_creator&utm_content=join_link 今日再寫「尾市理論」其實是我想測試個股適合用嗎 ? 如果只係睇最後30分鐘的上落，對判斷股價第二日的升跌有幫助嗎 ? 坊間其實有好多關於尾市理論的文章。有一些加入了成交量分析，有一些又話要橫盤然後突然突破先可信，又一些又話要加入平均線…最好笑的是，我發現內地對於尾市30分鐘的分析都是左抄右抄，其實都無人做過量化分析。 1. 定立測試方式 我覺還是最簡單的方式開始切入比較好，即是研究尾市最後30分鐘的表現(包括競價時段)，如果最尾30分鐘升，該股第二日表現是否會比較好，如果最尾30分鐘跌，第二日是否又會比較差 ? 另外，測試好與差，還可以細分量度幾個時段，即係用尾市表現作為策略的方向量度以下3個時段的表現︰ 1. 當日收市(C1)至第二日收市(C2)(下面簡稱C2-C1) ; 2. 當日收市(C1)至第二日開市(O2) (下面簡稱O2-C1) ; 3. 第二日開市(O2)至第二日收市(C2) (下面簡稱C2-O2) 然後我亦會量度上面3個時段的1. 回報率 ; 2. 勝率 ; 3. Sharpe ratio ; 4. 最大回撤，4個量度好壞的準則。 之後的工作便算是簡單了。 2. 各隻成份股「尾市理論」結果 a. 當日收市(C1)至第二日收市(C2)(下面簡稱C2-C1) 有幾個有趣的現象可以入面睇到 1. 82隻成份股入面，只有34隻有正回報，連一半都無。即係話用個股最後30分鐘去分析第二日股市點行，其實不算太好的策略。 2. 最高回報的是1929﹑6618﹑9988﹑6862﹑2382，2年總回報高於83%，最多有113%，win rate 都高於5成，不過MD...

  回顧7月市況 本身預期7月會先低後高，配合市寬等因素，17250 – 18750 是非常合理的預期，但中段美國經濟數據惡化，日本出手干預匯市引及非預期加息都令到外圍急跌，加上中國3中全會後無太多新措施出台，都令到環球變得比較保守，所以市寬即使到中期600- 700 都未能帶起個市反彈，最後全月16900 – 18300，全月累計跌374點。 雖然全個月計港股仍然係弱勢，但7月份23個交易日入面只係輸左4日，算係幾好，不過差在每日波幅都不算大，所以有一堆交易日可能只賺到30 – 60 點左右。但如果大家有跟隨策略的話，其實7月都不會太差。 上面幾個問題點睇 ? 現時最令股市頭痛的問題有3個，1. 美國衰退風險 ; 2. 日元拆倉 ; 3. 中國會後措施，都令到資金卻步，我地續一睇一睇問題係點。 1. 美國衰退風險。其實都幾肯定係會發生，因為生業率明顯高過預期，現在就睇情況會否惡化同埋會不會有黑天鵝發生，我自己傾向未係太大問題。就算資金真係撤退，都應該係跌一跌又會反彈，未致於會股災式情況。 2. 日元拆倉。以走勢睇就算係正式回調，後抽之後應該會再跌，應該未算股災，但應該會有大幅下調的可能性，不過整體應該係有序撤退，不過當然要睇埋之後日本央行會否再有非市場預期加息情況。 3. 中國會後措施。本身預計3中全會後會有明顯反彈，但見到離岸人仔反彈都幾明顯，加上市寬近底部位置，似乎係有資金想部署中港股市，不過除非有震撼的措施，否則不似可以有大規模則持續的反彈。 8月市況分析 大市仍然低於20日線，388繼續跑輸大市，其實絕對不可以話睇好，什至好倉是統對不應該過夜。不過市寬之前一直跌到落6xx，加上離岸人仔有明顯反彈，似乎可以幫助到中港股市，起碼再沽落去勝算未必太多。 一樣睇下今個月可唔可做番先低後高，上個月轉倉價大概17150，睇下今個月有無機會在16500 左右見底，高位就17800。 即日睇法 - - 沽空︰159億 -> 166億 (市跌沽空升, 無特別) - - 市寬數︰882 -> 826 (市跌市寬跌, 正常) - - 中概股 -0.47% 跑贏 美股 -2.37% (intraday 都跑贏) - - Put call ratio︰ 0.89 -> 1.19 (無特別) - - 牛熊資金流︰牛440萬 ; 熊︰-9500萬 (散戶偏好)...

  講明先，寫完我都覺得呢篇文是有多數據的，但非常值得大家睇，建議大家多看幾次及專心去睇。 話說，我地成日都會聽到人地講港股有「藍燈籠」，意思即係指「每當佢升，個市就會跌 ; 每當佢跌，個市就會升」，最著名的「藍燈籠」就係耳熟能詳的941中移動，什至乎我的好友Jack sir，十年前我已經經常聽到他說「亂局升中移」，可想而知中移動的「藍燈籠」地位在一眾股民心目中是非常根深蒂固。 當然，其實再上一輩的「藍燈籠」係內銀股，並不是中移動。所以「藍燈籠」只係一個統稱，實際上係講有無一類股票，一升個市就會跌，一跌個市就會升。我們先理解坊間對「藍燈籠」的幾個看法。 坊間對「藍燈籠」不外乎2種講法 1. 「資金避險論」資金想搵一些與股市相關系數低的股份避險，所以跌市就會資金擁入這些防守性較高的股份避險，但當市場氣氛轉好的時候，資金就會由這些股份流出。 2. 「相反理論」見到這些「藍燈籠」升時，大市好有機會要調整，應該要保守一點了，但當這些股份下跌時，錢就會去炒其他股份。 我自己的看法是一定是存在一些「藍燈籠」的股份，不過藍燈籠是否真的等如941 ? 而見到「藍燈籠」升，又是否代表後市會差一點 ? 今日我地就係要解決這個問題。 第一步︰定義好量度「藍燈籠」的方法 我自己諗一諗，大家對「藍燈籠」的理解，應該要分2個層面。 1. 當日股價上升，當日大市就會下跌 ? (即係t(股價) 與t(大市) 的量度) 2. 當日股價上升，之後大市就會下跌 ? (即係t(股價) 與t+1(大市) 的量度) 而就算要分辨上面兩個層面，都有好幾個方式量度一隻股票是否「藍燈籠」。 1. 當日股價 與 當日大市 表現相反方向的次數 2. 當日股價 與 當日大市 表現的相關系數(correlation coefficient) 3. 當日股價 與 當日大市 表現的最大相差數(%) 4. 當日股價 與 當日大市 方向不同時的總淨相反表現(%) 5. 當日股價上升 與 第二日大市表現(%) 6. 當日股價下跌 與 第二日大市表現(%) 前面4項就係處理t(股價) 與t(大市) 的關係 後面2項就係處理t(股價) 與第二日t+1(大市) 的關係 第二步︰當日股價 與 當日大市表現 的關係 (即係t(股價) 與t(大市) 的量度) 我將現時恆指83隻股份與大市做了不同類型的比較，直接比結果大家睇，以下都是這些...

  隨着現在的文章越來越多，好多新朋友只係睇到每日的資金流和大市分析文章，其實好多舊的教學文章，是很值得大家去翻看的。 星期六日，如果大家不是太忙，強烈建議大家去作品系列入邊，看以前的教學文章。 大家可以在app或者網站中，選擇 ->作品系列，我已經把不同的文章分類好，有基礎教學有數據統計，我自己也會翻看自己以前的研究，畢竟賺幾多錢同幾努力係成正比！ 內容會越來越豐富，希望大家多多支持。

  上次篇期指教學大家都好喜歡，都收到不少讀者講希望有些基礎的教學，想不到這些話題還幾有market，今次期指教學(下)，我就講多一些基礎但坊間什少人有理解的話題，希望新手老手都會有受惠。 1. 買賣期指與牛熊證的分別 牛熊證其實是期指交易的洐生工具，基本上牛熊證的上落是根據期指10點/15點/20點之時(視乎你買的牛熊證的兌換比例)，來決定上/落1格 (即係例如你見到隻牛由0.03->0.031 就叫上升1格) 如果我地就用最常見的換股比率10000的牛熊計算(下圖你會搵到相關數據)，基本上每上升10點，就會上升1格，即係如果100點就會上升10格。假設你買100,000股牛證，上升100點= 上升10格 = 賺了$1000 = 你買了一張細期賺了100點 = 賺了$1000。所以如果你買500,000股牛證 = 買了一張大期。 不過好多人會投訴牛熊證行不足的問題，這是因為牛熊證買賣涉及滑價/差價的問題，因為他每一格係用10點做計算，有時未到10點就唔會郁果一格，你格硬買就會拎高一格，賣出時都係同一個情況。所以有時期指升跌100點，你牛熊操作差一點的話，可能只會賺了7/8格。 買牛熊有無好處 ? 當然有，1. 收回價是一個很好的止蝕機制 ; 2. 入場門檻低，$0.03牛熊，你買500,000股(=1張大期) 都係$15000，相反你買一張大期入場都要 $100,000 按金。 2. 高水/低水的意義 所謂高水/ 低水，其實是指恆生指數與恆指期貨中間的差價，如果期指低過現價我地就叫低水，高過現價就叫高水。(如下圖) 好多人會認為高水/低水是好有效的炒賣指標，如果高水的話代表期貨市場有人寧願貴一點都買，即係偏好，低水的話，就代偏淡。但其實不完全正確。 首先，有除淨概念，例如7月內銀股會派息，恆指在除淨前會長期高於期指，因為期指是反映到期日的預期價格，所以基本上期指是減低了除淨因素，這個時候期指的低水是無意義的。 其次，如果除開除淨的概念，期指也是應該高水，因為期指=恆指+利息，所以單看高水低水意義不大。 如果真係要找一個分析的重點，反而係日中轉向，因為期指的價格是先行於指數，你可以想像期指的價格其實各個大戶莊家共同默認的價格，他們會因應成交，買賣盤而改稍為提前改變期指的bid ask，所以好多時期指的價格是行得快過恆指。所以如果日中由高水變低水，或由低...