阿斯財經投資專欄

每日都會有人問的問題 ? 好倉/淡倉過夜好 ? 用數據話你知幾時好倉過夜最好 ? 這個問題曾經困擾了好耐，特別以前我不是做那麼多day trade的時候總會諗究竟幾時好倉過夜比較好，即時到現在每日都會有人inbox 問好倉過夜定唔過夜好 ? 我今日會嘗試用數據話比大家知，好/淡倉過夜定唔過夜好 ! 第一步︰過夜倉位的預期回報 既然我地想知好倉過夜定唔過夜，我地首先就計一計，如果在完全不理會任何情況下，過去5年純粹淨係好倉過夜，平均每日預期回報竟然係 +9.78點 ! 勝率係52.9% 即係話如果不加入任何條件，即使在香港過去5年的情況下，每日收市都好倉過夜，其實都不會輸大錢的。不過實際上大部份回報都係2019 – 2020年時候出現的，如果近3年，反而無特別上落的。 第二步︰加入附加條件，增加過夜勝算 ? 1. 20日線 我在節目及patreon 中經常提到20日線，如果我地將20日線判斷成為好/淡倉過夜條件，即係當日收市>20日線就好倉過夜，<20日線就淡倉過夜，結果︰ - 淡倉過夜的預期回報係 -6.03點 ; 淡倉勝率46.7% - 好倉過夜的預期回報係 +14.71點 ; 好倉勝率52.14% 這個結果其實幾有趣 >20日線以上，好倉過夜的預期回報算係幾理想 ; 不過淡倉過夜回報即使在 <20日線以下，其實也不算好。 亦都係點解我成日講如果淡倉過夜就不如夜期先抽高沽的原因。 2. 當日升跌 ? 我以前有同大家分享過，香港市場單跳機會比較大的，但實際上更多情況是如果當日係升市，第二朝大機會通常係高開才下跌。所以我地量度兩樣野，如果當日係升市就博好倉過夜，跌市博淡倉過夜會點 ? - 淡倉過夜的預期回報係 +0.32點 ; 淡倉勝率48.22% - 好倉過夜的預期回報係 +20.01點 ; 好倉勝率53.9% 3. 當日陽燭/陰燭 ? 不過我有講過當日升/跌，不是最重要，最重要反而係當日陽燭/陰燭，簡單來講就係陽燭就博第二日高開，陰燭就博第二日低開，結果會點呢 ? - 淡倉過夜的預期回報係 +1.71點 ; 淡倉勝率47.9% - 好倉過夜的預期回報係 +22.5點 ; 好倉勝率53.7% 第三步︰用388 代替HSI ? 我之前有同大家提過其實388 的參考性是比HSI 更大的，例如我地參考388 是否升穿20日線比起388 是否升20日...

  我patreon 除了每日開市及收市有更新之外，盡可能也會寫多一點長篇教學，讓大家可以學習到更多。 如果大家有睇我patreon ，我通常在第一步用最簡單直觀的方法策略建立之後，都會嘗試用不同方式改良策略，今日我想簡單分享3個去改善策略表現的方法。 特別是我已經提出了不同參數讓大家參考，中概股﹑沽空﹑外資﹑牛熊﹑離岸人仔﹑高低水﹑put call ratio，或者大家可能有一些圖表派﹑技術派的朋友，想我用rsi﹑macd等price action 再去做backtest，其實每一個單獨技術指標都不是很好，所以這裡提出3個我想用去改善策略的方法，大家將來做不同backtest 或策略建構時可以參考。 第一︰加入平均線做信號篩選 這個其實與我經常提的20日線有很大關係，例如港股20天線以上，我們就知道會比較強，20天線以下，我們就知道是比較弱。所以我有一部份策略的設定是20天線以上只做好倉信號，20天線以下只做淡倉的信號，因為勢頭是比較強的時候，淡倉信號表現通常會比較差，好倉信號的表現又會比較好。反之亦然。 在我統計過的短炒(day trade)的策略當中，如果加上20天線來做信號的篩選，普遍策略的效率可以提升約25%。 這裡特別留意25%是效率提升，不等於整體表現提升，我舉一個例子，例如在之前的高低水策略中 ; 不加入20天線做篩選，過去2年總回報為11844點， 加入20天線做篩選之後，回報反而只有10217點。 整體表現如下圖︰ 數列一︰沒有加入20日線，回報11844，sharpe ratio 1.91 數列二︰加入了20日線，回報10217，sharpe ratio 2.36 表面上睇雖然是減低了近1600點回報，但實際上過去491個交易日中，只有218個交易日成功產生交易信號，即係回報的效率其實提高了很多。 這個20線下的day trade 信號是幾有效的，差不多大部份day trade 策略都適合用，中線策略的話可以用200日線做分析，這個也是很有用的。 第二︰找出信號的最優化值 這個其實不難理解，我先講一個例子 我之前曾經有一個策略，如果隔晚中概股表現跑贏美股，我地第二朝就買入港股，如果中概股表現跑輸美股，我地就第二朝就賣出港股。這個策略年回報率不太差，而且sharpe ratio 穩定地在1.5左右。 但事實上我經過反覆的計算，如果中概股能...

  13/7/1990 -0.25% 港股表現︰1日後-0.52% / 5日後+0.43% / 20日後+11.69% 6/7/1995 -0.25% 港股表現︰1日後+0.99% / 5日後 +1.98% / 20日後-1.81% 29/9/1998 -0.25% 港股表現︰1日後+0.58% / 5日後+9.12% / 20日後+30.34% 3/1/2001 -0.50% 港股表現︰1日後+4.42% / 5日後 +10.0% / 20日後+12.93% 18/9/2007 -0.50% 港股表現︰1日後+3.98% / 5日後 +11.52% / 20日後+23.96% 1/8/2019 -0.25% 港股表現︰1日後-2.35% / 5日後-7.59% / 20日後-9.11% 興唔興奮 ? 我竟然忽然間今日出文 ! 今日有讀者問我以往減息之後港股表現通常係點 所以用了少少時間整理一下 其實表現不算太差 特別係一個月後，平均表現有+9.66% 不過你問我, 其實sample size 不算太多 加上港股的近年的表現， 外資的取態跟多年來的情況有不同 最簡單就係2000年，我地都重可以話炒港股睇美股/日股 而家基本上係同美股相反 / 跟阿爺 所以大家都係睇埋今晚中概表現再諗聽日比較好 用過去表現黎評價現時有少少不太合適 但我都覺得10月港股表現係值得令人期待 尢其係減息後阿爺有機會/空間做更多救市/經濟措施 應該係可以幫到中港股市 不過前題都係388 要速升番上20日線比較好 其他野聽朝再update 大家

  這個是一個接近都市傳說級別的問題，高水/低水究竟對個市有無影響 ? 第一步︰正確了解高水/低水 首先，我地了解番什麼叫高水/ 什麼叫低水 ? 基本上香港市場分有恆指現貨及恆指期貨，指數本身不可以買賣，只有期貨才可以交易。 只要期貨<現貨(指數)，我地就叫低水 ; 只要期貨>現貨(指數)，我地就叫高水 例如，恆指現時18000點，期指17950，我地就叫「低水」50點。 相反，恆指現時17950點，期指18000，我地就叫「高水」50點。 通常我地會相信期貨，因為期貨是可以被交易，其變化會比指數早。 通常富途的報價已經會有寫高水/低水幾點，或者自己在相關時間點做相減就可以知道高低水情況。 第二步︰高水代表睇好 ? 低水代表睇淡 ? 坊間普遍講法會將「高水」定義為大戶睇好後市，因為期指市場係代表大戶的未來預期價格，所以如果高水，代表係睇好後市 ; 相反，如果「低水」就代表大戶睇淡後市，究竟係咪真 ? 我地首先即刻睇一睇回測結果。 如果我地每日朝早見到係高水(不論任何時段)，我地就CALL 恆指，然後每朝低水，我地就PUT 恆指，直到收市。過去2年表現其實就好似下圖一樣…(我已經試了任何一個時段) 結論係基本上任何「高水」/「低水」指標是對當日市況都係無解釋作用。 當然，做成上面結果，我地要留意「除淨」因素。 例如6﹑7月內銀股會派息，派息後會「除淨」，「除淨」後股票價格就會下降，之後指數都會根據情況調整。所以出現「低水」的時候要留意通常是除淨比較多的月份，除淨前就會出現「低水」的情況，因為期指的價格已經考慮了除淨的因素，所以通常除淨日後「低水」的情況就會消失，所以本身高水/低水這個概念是要考慮除淨因素，亦導致點解「低水」不一定差，「高水」又不一定好。 不過事實上，除淨因素都係5-7月最為重要，但觀乎過去幾年的統計，似乎其他月份都無一致的好表現。所以要用除淨因素解釋「高水」/「低水」預測力不足的問題，作用其實不大。 第三步︰考慮高/低水的變化是否會更有解釋力 ? 當然，直接考慮「高水」/「低水」是其中一個方法，但不時會受除淨因素影響，如果我地考慮每日「高/低水」與前一日「高/低水」的變化，會否有所啟示 ? 假設我地今日見到「高水」幅度比前一日增加，或者「低水」幅度比前一日減少，我地就做好倉，反之就做淡倉 例如昨日9:40分，我地見到低水20點，今日...

  8月回顧︰ 8月初時我講左幾個不同預測，包括 1. 三地大跌不會形成股災(美﹑日﹑香港) ; 2. 8月港股不會太差，先低後高，低位16500，高位17800 ; 結果全月除左月初的大幅下跌之外，美國﹑日本的確沒有再出現大跌，而香港低見16441之後，就開始反彈至18200，最終收在18000 關口，全月波幅1700 點左右。 自問預測算係唔錯，雖然預測得幾好，但有幾個交易日其實表現不是太好，因為低估了20日線以上的夾沽空能力，所以全月埋單計雖然輸的日子不算太多，但表現反而一般。 9月展望︰ 首先單由結果講，我覺得9月係未必太強，但應該會係先高後低機會大，首先388 > 20線，而市寬只係大概1150 左右，所以距離中線見頂仍然有一段距離，而上個月恆指轉倉價大概17650 ，所以今個月好淡分水嶺應該就係17100/18200，當然你問我更加重要的位置就係20日線， 月初推升恆指的因素，不外乎1. 阿里入港股通，2. 阿爺式量寬令內地股市上升帶動香港股市，不過預期月中之後走勢會比較復雜，我自己估計有機會係外圍短線調整而帶動，之後10月還會有上升機會。 不過具體的睇法，我會每日在patreon 及節目keep 住update大家。 即日有咩睇法 ? - 恆指成份股沽空︰101億 -> 127億 (陽燭沽空升, 偏淡) - 市寬數︰1050 -> 1120 (市升市寬升, 正常) - 中概股 0.49% 跑輸 美股 1.19% (intraday 都跑輸) - Put call ratio︰ 0.95 -> 0.8 (無特別) - 牛熊資金流︰牛-1.2億 ; 熊︰1.3億 (散戶偏淡) - 南向資金 13億 - 北水買︰700﹑2318﹑1810﹑12111;   北水沽︰1398﹑939﹑2015 - 中概跑輸 + 沽空又多，似乎唔太好 - 好在散戶瘋狂睇淡，所以又未必太差 今個星期先低後高機會大 預期今個星期︰17400 - 18100 左右 而今日就睇下係咪 早段升一升 -> 回調 -> 下午再睇下點 即日指數參考︰17600 - 17935 有咩事中午可以ig 再問我 今個月有無咩會update ? 有 ! 1. 馬季又開鑼啦，今個月開始每個賽日繼續會有電腦預測 ! 2. 我同我programm...

  今年寫過一篇文係關於大市的「尾市理論」，當時我試用最後30分鐘的大市表現數據，推算出大市第二日升跌﹑機會率﹑回報率等情況。詳細我不多解釋，大家可以睇番之前的文章。 「尾市理論」量化統計 「尾市」30分鐘可以預測第二日股市走勢？淨炒最後30分鐘2 年可躺贏15 萬？ https://www.patreon.com/posts/wei-shi-li-lun-2-103167455?utm_medium=clipboard_copy&utm_source=copyLink&utm_campaign=postshare_creator&utm_content=join_link 今日再寫「尾市理論」其實是我想測試個股適合用嗎 ? 如果只係睇最後30分鐘的上落，對判斷股價第二日的升跌有幫助嗎 ? 坊間其實有好多關於尾市理論的文章。有一些加入了成交量分析，有一些又話要橫盤然後突然突破先可信，又一些又話要加入平均線…最好笑的是，我發現內地對於尾市30分鐘的分析都是左抄右抄，其實都無人做過量化分析。 1. 定立測試方式 我覺還是最簡單的方式開始切入比較好，即是研究尾市最後30分鐘的表現(包括競價時段)，如果最尾30分鐘升，該股第二日表現是否會比較好，如果最尾30分鐘跌，第二日是否又會比較差 ? 另外，測試好與差，還可以細分量度幾個時段，即係用尾市表現作為策略的方向量度以下3個時段的表現︰ 1. 當日收市(C1)至第二日收市(C2)(下面簡稱C2-C1) ; 2. 當日收市(C1)至第二日開市(O2) (下面簡稱O2-C1) ; 3. 第二日開市(O2)至第二日收市(C2) (下面簡稱C2-O2) 然後我亦會量度上面3個時段的1. 回報率 ; 2. 勝率 ; 3. Sharpe ratio ; 4. 最大回撤，4個量度好壞的準則。 之後的工作便算是簡單了。 2. 各隻成份股「尾市理論」結果 a. 當日收市(C1)至第二日收市(C2)(下面簡稱C2-C1) 有幾個有趣的現象可以入面睇到 1. 82隻成份股入面，只有34隻有正回報，連一半都無。即係話用個股最後30分鐘去分析第二日股市點行，其實不算太好的策略。 2. 最高回報的是1929﹑6618﹑9988﹑6862﹑2382，2年總回報高於83%，最多有113%，win rate 都高於5成，不過MD...

  回顧7月市況 本身預期7月會先低後高，配合市寬等因素，17250 – 18750 是非常合理的預期，但中段美國經濟數據惡化，日本出手干預匯市引及非預期加息都令到外圍急跌，加上中國3中全會後無太多新措施出台，都令到環球變得比較保守，所以市寬即使到中期600- 700 都未能帶起個市反彈，最後全月16900 – 18300，全月累計跌374點。 雖然全個月計港股仍然係弱勢，但7月份23個交易日入面只係輸左4日，算係幾好，不過差在每日波幅都不算大，所以有一堆交易日可能只賺到30 – 60 點左右。但如果大家有跟隨策略的話，其實7月都不會太差。 上面幾個問題點睇 ? 現時最令股市頭痛的問題有3個，1. 美國衰退風險 ; 2. 日元拆倉 ; 3. 中國會後措施，都令到資金卻步，我地續一睇一睇問題係點。 1. 美國衰退風險。其實都幾肯定係會發生，因為生業率明顯高過預期，現在就睇情況會否惡化同埋會不會有黑天鵝發生，我自己傾向未係太大問題。就算資金真係撤退，都應該係跌一跌又會反彈，未致於會股災式情況。 2. 日元拆倉。以走勢睇就算係正式回調，後抽之後應該會再跌，應該未算股災，但應該會有大幅下調的可能性，不過整體應該係有序撤退，不過當然要睇埋之後日本央行會否再有非市場預期加息情況。 3. 中國會後措施。本身預計3中全會後會有明顯反彈，但見到離岸人仔反彈都幾明顯，加上市寬近底部位置，似乎係有資金想部署中港股市，不過除非有震撼的措施，否則不似可以有大規模則持續的反彈。 8月市況分析 大市仍然低於20日線，388繼續跑輸大市，其實絕對不可以話睇好，什至好倉是統對不應該過夜。不過市寬之前一直跌到落6xx，加上離岸人仔有明顯反彈，似乎可以幫助到中港股市，起碼再沽落去勝算未必太多。 一樣睇下今個月可唔可做番先低後高，上個月轉倉價大概17150，睇下今個月有無機會在16500 左右見底，高位就17800。 即日睇法 - - 沽空︰159億 -> 166億 (市跌沽空升, 無特別) - - 市寬數︰882 -> 826 (市跌市寬跌, 正常) - - 中概股 -0.47% 跑贏 美股 -2.37% (intraday 都跑贏) - - Put call ratio︰ 0.89 -> 1.19 (無特別) - - 牛熊資金流︰牛440萬 ; 熊︰-9500萬 (散戶偏好)...