阿斯財經投資專欄

  「裂口」大家應該不陌生，簡單來說就係如果下一支陰陽燭，對比起上一支陰陽燭的頂部/底部，有一個明顯的差距我地就叫做裂口。當然，視乎你用什麼時間比例的陰陽燭做計算，例如，你用日線圖的陰陽燭做計算，裂口的出現自然就會比較少 ; 但你用分時圖的陰陽燭計算的話，每日開市時或多或少都有一個上升/下跌裂口，亦即係我地平日所講的高開/低開。 就好似下面兩張圖，都係近兩星期港股的走勢圖，如果你用日線圖睇，就有3個上升裂口 ; 如果你用5分鐘圖睇，就有5個上升裂口。 對於裂口，坊間普遍有對於裂口有3種的講法 1.      「共識論」︰就係市場因為好消息/壞消息的非預期出現，而集體地開出一個明顯地比上個收市價更高或低的價格，所以應該要尊重市場的力量，千萬不要輕易做逆向的選擇。 2.      「回補論」︰高開/低開日日有，相應的好/淡倉會在開市後，因為有人食糊而導致價格出現回補，不妨等回補再上車。 3. 「裂口分類論」︰裂口有分突破性裂口，延續性裂口，消耗性裂口。 究竟這3個講法是否正確，我們一齊來用港股驗證一下，最後我會分享自己的睇法，以及分享一下自己在裂口上的實際應用。 第一步︰高開低走 / 低開高走 ? 不過香港市場是有點奇怪，大家經常都會覺得高開通常都會跌，低開又不一定太差，但整體方向都係跌，為此我地不如研究一下，如果高開就沽，低開就買，假設全部都係即日開倉，收市平倉，最後會出現什麼情況 ? 1.      如果你每次見到低開就買上的話，過去5年你可以穩定地輸輸近17000點 2.      如果每次高開就沽的話，過去5年表現就相對不穩定，但最終都可以賺1900點。 去到這一步，大家可能會諗，所以每日直接一開市就沽就可以了嗎 ? 5年不就是有近19000點的回報了嗎 ? 當然，我不建議大家這樣做，因為過去幾年香港處於熊市，每日開市都沽，自然是會有賺，但除番開每年只有3800點回報就有點少了。 加上熊市不是經常有，例如，你見今年年初1月開始，港股慢慢轉好，如果每次高開都沽的話，3個月可以輸近3000點。 不過，你可以上面的情況其實間表證明了文章的一開頭的「共識論」基本上是...

我嘗試寫篇長文出黎先，睇下大家有幾鐘意 ! 係咪會員都會睇到，有興趣就亦都希望非會員的朋友會加入轉為會員支持一下。 1.1-2月回顧 我有分享過數據上1-3月都係睇淡，結果1月大獲全勝，不過在2月開初時我已經係不同LIVE提過，因為數據不會每個月都準確，所以如果真係有機會錯，我覺得最大機會就係2月，不過我當時估2月收市可能都係158 左右，結果就係165 左右收，所以2月的強勢是超出了我的預期。所以1月我係賺得幾好，2月頭回報更好，不過到2月中開始大概是我睇少了阿爺，但同時又太睇起阿爺，所以月中打後港股變成震盪市，我的表現就相對失色，單以奶粉倉計諗大概輸番1月時賺的1半左右吧，大概是1X萬吧。 2. 3月點睇? - 這類震盪市對大家來說應該是好事，因為上午跌完，撈底，下午就會反彈 ; 上午升完，高沽，下午又真係會跌，這類震盪市通常2-3個月就會出現一次，但時間一般不會長久， - 3月開局暫時有幾個數據大家可以留意，上月轉倉價大概16650 ，如果用上下600點計算，17250 - 16050 就會成為今個月好淡友的分界線。 - 內地股市方面，北水連續多日流入，中港股市正路有資金在買，但香港股市明顯比A股弱，而A股的升勢又明顯是托市的感覺，所以要睇照道理講A股托市到某個程度，要外資同內在資金一同支持升勢先可以持續，否則大有可能會維持在3000點左右一段時間，什至在兩位期間都會頂住。 - 港股方面，2月好一段時間都係跟A股走勢，但2月尾開始甩碌， - 3月來看暫時短線好似弱少少，一黎388連續兩日失守20日線，而市寬(強勢股份數)亦開始由1600下跌至1504，近幾日港股的沽空都已經近200億，沽空似不停搵高位累緊實力，正式調整還要等一日低開低走才可以確認。 - 不過就近期外資資金的活躍度及市寬的強勢程度來說，看來調整深度看來不會太多，而市寬可能回到700 - 800左右已經可能見底。 - 而有可能超出預期的話，就應該是外圍股市震盪先有機會發生，例如月中的美國銀行借貸還款期完結時更有機會出現問題。 - 不過，我覺得3月打後港股都會不錯，這方面是值得期待一下的。之後會與大家分享一下。 - 額外值得留意的是騰訊3月中的業績，我而家未細心分析，但我見到一個好古怪的現象，如果以CCASS來看的話，竟然係出現外資﹑北水﹑散戶...一齊沽貨的情況，這個也很有可能會成為港股的轉捩點。...

  要寫這篇文其實就是將我每日做的事講出黎，我或多或少在節目分享過，以前在IG亦都有篇文寫過出來，後來我知道相關文章在一間大行的TRADER之間流傳過，可見我的這套方法應該是有一定的認受性。 首先，我由最基本的開始講起，指數位不是什麼特別事，最核心思想是一個由我跟你(市場力量)認為最有機會的位置組成。 掌握核心概念之後，就要學基礎的技術，計好指數位普遍有4個概念要掌握 1. 第二朝開市位置 2. 第二日大市升跌方向 3. 日波幅的可能性 4. 黃金比率的計算方法 不過不要期望一篇文可以完全了解，而且亦不會百發百中，亦要經歷多次的練習先可以成功。 第一步︰第二朝開市位置 這是眾多步驟中最無技術的一部份，因為基本上自從夜期改革後，基本上夜期就已經係凌晨3:00收市，美國冬令收市時間是5:00(以香港時間計)，夏令收市的時間是4:00(以香港時間計)，所以基本上除非美國市場盤尾有重大變化，或者美國收市後到香港開市前有重要的消息公佈，否則夜期的收市價，本身已經對第二朝開市價有一個極大的參考作用。 即使前個交易日凌晨3:00後到第二朝9:00有重大變化，大家也可以參考美國ADR的恆指收市價或者新加坡黑期(HKIG)的價格，基本上都可以對第二朝的開市價有一個大概的認知。 網址參考︰ https://www.ig.com/cn/indices/markets-indices/hong-kong-hs42 第二步︰大市升跌的方向 基本上這個專爛就係提供了多個升跌方向的策略及研究比大家參考，由最初的日升日跌指標﹑沽空指標﹑PUT CALL RATIO指標﹑外資指標﹑牛熊指標…都係教大家如何早於開市前去判斷今日開市後的方向(陽燭﹑陰燭)，不熟悉的話就要去復習好了。 判斷方向的重要性在於你要知道之後升跌的上下限大概是多少，基本上如果當日的數據是判斷向上的話，開市後的下限就不應該設定得太遠 ; 相反地如果是判斷向下的話，開市後的上限亦不會設定得太遠。 例子一︰夜期收16500，當日你判斷大市會繼續向上 你大概就會知道第二日的下限是16400，上限是16700 例子二︰夜期收16500，當日你判斷大市會繼續向下 你大概就會知道第二日的下限是16300，上限是16600 第三︰日波幅的可能性 之前一篇講DAY TRADE的文章講過，過去5年恆指的最高及最低點，平均波幅係359點，平均變...

市場永遠係不確定，即使你某個方向幾肯定都好(例如聽日升/聽日跌)，你都總會有輸錢睇錯既機會，呢個時候我們傾向會係市場上面買保險，無論大戶散戶都會做，機構更加會做，例如一方面買入，另外一方面就會買跌。或者用一最簡單的術語就係pair trade。 簡單/複雜地解釋一下 好多人可能會問，我又買升，又買跌，最後個市一係升，一係跌，點解會有得賺 ? 其實背後原理，就好似你見到最近NVDA強勢，但同一個版塊的AMD表現就好弱，你又唔知大市升定跌，最後你大可以買NVDA，沽AMD，最後如果大市係升，強勢的NVDA就會升得更多，如果芯片版塊不慎跌，弱勢AMD就會跌得更多。又例如最近香港資金主力追棒中資股，科技股的動力較低，我地在不清楚市況下，可以買恆期，沽科期，目的就係無論升市跌市下都會有保障，賺取到兩者中的差價。 如果複雜而且用好多術語講解講的話，就係希望將BETA值(大市的影響性)減低到0，純粹賺一些Alpha。如果期權市場的話，都有期權市場的market neutural strategy，只不過對像就係由beta轉至delta，利用不同期權組合將delta 控制至接近0。(我朋友歐陽一心有本書講呢樣野，不過應該絕版了，我屋企有一本珍藏，最近有跟他提起，他說︰不要再說了。) 所以簡單來講 - (market neutral strategy)有3個重點 1. 通常會在不確定市況下進行操作 2. 買入看好的，賣出不看好的 3. 兩者最好有一定關係，令你承受的市場風險接近為0(beta為0) 其實，亦會有人覺得pair trade係scam，最重要原因係因為無特別計算過或者單純憑感覺就去做pair trade，覺得某隻強勢就做call，某隻弱勢就做put，最後可能強弱忽然逆轉，導致得不償失，又或者係佢地覺得做兩注成本高了，為什麼我不直買升或者買跌 ?  (當然前題係他們能肯定後市的升跌嗎?) 我地直用一個例子就會明白，點解有部人覺得pair 係無用，而有部份人又會好祟拜。 道指vs 納指 假設我們在不做任何的計算下，單純看到t-1(前一個交易日)道指>納指(用%計算)，我地就call 道指put納指，或者t-1(前一個交易日)道指<納指，我地就put 道指call納指，究竟會發生咩事 ? 結果不致於輸錢，但5年下來回報只有極少的12.86%，sharpe r...

  一路以來我每次分析指數的問題，很多人都講，「指數，牛多咪殺牛，熊多咪殺熊」 ; 「散戶一定係最終輸家」 ; 「最後咪又係輪商贏...」。 我認識很多輪商朋友，應該訂閱我PATREON的人當中都有輪商朋友什至TRADER，他們有時都會向我透露被一般大眾誤會的委屈... 但事實上如果大家有經驗，就會覺得似是而非，有時的確好似有自動導航一樣，殺一殺重牛就會彈，有時又會覺得明明有重貨區，我諗住佢會殺多一下落去，點解又唔殺 ? 究竟兩者有什麼關係 ? 牛熊證同指數的上落究竟有無必然關係 ? 我相信這篇文有一定爭議性，因為中間好似涉及到很多人的利益關係，輪商﹑散戶﹑大戶。兩年前我已經把這個話題做過一次研究，不過之後沒有再儲數據，原因後半段會再分享。這一次我用最新的數據計算多一次，話雖如此，最後其實隱藏一個細思極恐的現實，我不會直接明言，大家好好思考就可以了。 注意︰這篇文章我只係用過去一年公開市場的牛熊證數據做計算，包括每日好倉/淡倉資金流向，以及每日最終街貨數量，還有期指等數據作統計。 第一步︰關於牛熊證的數據 事實上香港的各大輪商的牛熊證街貨量及資金流等有兩個幾個數據的更新時間，一個係晚上10點，一個係第二朝早8點。而通常我們可以圍繞住3個數據做研究。 1. 牛熊證街貨分佈圖︰最直接讓大家知道那個位置加倉最多，加倉最少，資金流入及流走。 2. 牛熊證/認股證的資金流向圖︰把不同位置的資金總和做加減 3. 牛熊證的街貨量圖︰把每日最後的牛熊證的街貨做計算 第1個數據用起上黎做計算的難度幾高，所以我放棄不用了 ; 第2及第3個數據其實原理一樣，因為有資金流入，街貨就會增加，資金流走，街貨就會減少，分別就是在於第2部份資金流向會有正/負數，第三部份的總街量永遠都會係正數，而我這次的驗證就直接用手頭現有的第3部份的數據好了。 另外，整篇文章的計算，我地會假設散戶係「燈」，每個都係相反量度。 第二步︰買左牛之後會跌 ? 買完熊會升 ? 我們首先非常簡單地嘗試一下如果當日牛證或者熊證街貨增加(即係牛證資金流入或熊證資金有流入)，後市是否一定會行相反方向。 例如，前一日牛證有資金流入，之後一定會跌? 我分別計算了第二日開市到收市(o2-c2) / 當日收市到第二日收市(c1-c2) / 當日收市到第二朝開市(c1-o2)，結果如下圖 結果令人震驚的是3個情況表現都係負數，即係...