阿斯財經投資專欄

  話說幾個月前有篇文章係講期指短炒/即日操作的幾個實用技巧及數據統計，一直都只係講左3個規律，未講第4個，一直想寫，今日終於可以寫埋比大家。我會先補充上次未寫完的第三個，之後再講第4個，強烈建議未睇(上篇)的新朋友，先睇上篇，先好睇今日這個(下篇) (上篇可以參考番下面連結。) https://www.patreon.com/posts/yong-shu-ju-hua-95907135?utm_medium=clipboard_copy&utm_source=copyLink&utm_campaign=postshare_creator&utm_content=join_link 第一︰用日波幅去計最值博開倉/平倉/反手位置 第二︰day trade順勢做永遠比逆勢好做 第三︰日中100點永遠係重要指標 之前寫了一半，其實前一次就係同大家分享過100點是判斷當日走勢的一個重要指標，升/跌如果超過100點之後通常會好難反轉。 不過其實這個跟趨勢是有關的，例如近日恆指的走勢偏弱(HSI<20日線)，我地會傾向相信下跌100點後的趨勢多過上升100點後的趨勢，例如就好似恆指5月30日開始後的連續6個交易日，每一日都有升超過100點，但最終只有2日保持到陽燭，而且都有一條好長的上影線，原因就係因為恆指轉了弱勢，所以轉好的趨勢反而要小心地相信。 這個情況亦洐生了2個很重要的概念︰ 1. 如果市況偏弱，見到好數據都不要太開心 ; 如果市況偏強，見到淡的數據都不要太灰心。 2. 要為技術指標添加一個大方向，例如你見到10日線升穿20日線有一個黃金交差出現，但如果RSI <50，就表示市況仍然係弱勢，不應該見到金差就盲目進場。(上面只係一個例子，簡單來講，就係見到任何好轉/轉差的指標之前，你不妨諗一諗，現在大環境是弱勢還是強勢)。 這裡還引申了另一個話題，就係我會如何思考技術指標的話題，這個話題一寫又要幾千字，我係有計劃之後要寫的，所以我還是停一停好了。 第四︰早一點入場還是晚一點入場 ? 其實是一個很有趣的話題，如果我們前一日透過數據看中了一個方向，應該早一點入場還是遲一點入場比較好呢 ? 我做了一個很有趣的數據跟大家分享。如果我們建立了一個日中交易的策略，例如中概股「跑贏」美股，我地第二日就CALL恆指，中概股「跑輸」美股，我地第二...

  「周內效應」其實在好多不同的地方都有研究，簡單來講就是想研究一個地方入面，有無邊日升市機會最大，又有無邊日跌市機會最大。 關於「周內效應」，未同大家分析詳細數據之前，我自己有3個最深印象的事，一︰最多人提及就係星期四的A股，我當年研究過星期四的A股最古惑，因為A股T+1機制加上星期三通常係「國務院常務委員會」會議，所以好消息消化的情況下，星期四A股表現會最差，有時亦會拉低港股表現 ; 二︰比較多當人提及的就係星期五的港股，市勢頭較好時會比較好，當形勢差的時候，星期五的多數會跌到懷疑人生。 第一步︰其他的股市會有類似的情況嗎 ? 其實是有的 中國︰星期一多數係升 ; 星期四多數係跌 美國︰星期一多數係跌 ; 星期五多數係升 日本︰星期二多數係跌 英國︰星期一多數係跌 法國﹑意大利﹑澳洲︰星期一多數都係跌 另外，我用A股做一個例子，讓大家看一看過往20年的數據  上面例子說明了，星期幾真的明顯有不同的回報變化 第二步︰香港的情況是怎樣 ? 我用過去2年的數據作為一個例與大家分享，(這有一個問題，為什麼不用更長的數據，因為參考性反而不會太大)。  明顯近兩年星期一﹑二的表現比較差，而星期四五的表現又不會太差。 如果你是專注於日中交易/短炒的話，就會發現結果有小小不同 日中變化  以上面兩個港股的情況，其實引申了幾個含意 1.      近兩年，星期二港股表現最差，星期四表現最好 2.      整體上仍然與A股有小小分別 第三步︰加入20日線做量度 之前同大家分享過，港股20日線上下其實係兩個不同的世界，由夜晚做咩倉﹑下午做咩倉，其實全部都會有不同，所以我今次嘗試加入20日線同大家再計一計20日線以上/以下，星期一至五的表現。 20日線以上(過夜版/ 非日中變化)︰   20日線以下(過夜版/ 非日中變化)︰  上面其實顯示了過去2年一些幾有趣的情況 1.      過去2年的數據顯示︰20日線以上之時，投資氣氛好，星期一番黎通常繼續有得升 ; 反而20日線以下，投資氣氛一般，反而會跌 2.      過去2年星期...

  日日都有人問我，點樣用手機set RSI（2）去睇？ 喺度公開埋比大家參考。 搞掂！🥳

  5月份市況分析回顧? -          5月份開始時，我講2樣野 -          1. 5月仍然不會太差 ; 2. 5月先升後跌機會大， -          結果5月上到19600 的重要阻力位之後便即刻回調， -          當時市寬﹑頭肩底量度升幅，定係黃金比率都係19600 -          當然，後來回調的幅度是比我想像中的大， -          因為恆指與388 一樣最終跌穿了20日線， -          最終全月只有300點升幅 - 6月點睇 ? -          6月數據上係偏淡少少 -          但我覺先低後高機會大 -          原因2個, -          1. 388係20日線樓下, -          2. 市寬未到超賣水平 -          當然，我覺得短線仍然有極短線超賣反彈的機會 -   ...

  話就分享了好多指數類別的策略，今日反而想分享一個股短炒的策略，其實是我未集中研究指數走勢前，經常用到的個股策略，而且曾經是幫我賺到非常多錢。今日想跟大家分享一下，因為在未來幾個月的市況中，這個策略能應用的機會一定非常多。 先跟大家分享一下，雖然我在大學時因為課程要求，都設計過幾個量化交易策略，但實際應用上遠不及現在的精彩。而因為之前香港股市實在太「西」，而期指的交易又最為靈活，所以相對地我就投放大量心力在期指的量化交易研究上。 但實際上，我以前是研究大量公司通告/動作，亦都參與過不少公司上市的工作，所以對公司的財技操作，我亦都非常熟悉，亦都曾經賺過不少錢。不過後來因為市況問題，他們的操作都漸漸減少，不過最近市場又開始活躍，他們自然想在市場分一杯羹，所以我都覺得值得同大家分享一下，這個我認為最有效又易學的個股交易策略 – 配股。 第一問︰什麼是配股 ? 「配股」是擴大資本的動作，透過增發配票去集資。其實每間公司上市時已經有一個特地的股數公開發售出去集資，不過，當公司需要再集資的時候，就會申請額外多印一些股票，然後進行配股集資。 一間上市公司正常每年可以增發不多於20%的股票，通常公司為了更好地應付監管部門的要求都會寫「配股集資，用作一般營運用途」，稍為有心機一點可能會加多兩個解釋比你，不過愈寫得多其實愈有問題，之後會再講解。(20%只是一般性授權下的極限操作，有一些會多過20%，不過要過大會，監管機構都可能會出聲，所以現在少人做。) 第二問︰配股是好還好壞 ? 如果用上面的文字解釋，大家可能都不知道是好還是不好。的確其實「配股」背後其實可以隱含兩種解釋。 第一種情況︰股價在高位，管理層覺得股價應該差不多了，所以希望在高位配售公司股份，然後籍此為公司增加資金(你可以想像，這些錢最後總會有方法落番管理層的袋)，而正常來說，你要吸引其他人/基金，在高位接貨，一定要比少少折扣他們，所以配股通常又會有折讓，所以配股消息一出，通常第二日都會gap down，然後股價表現就會每況愈下。 第二種情況︰股價在低位，管理層知道自己公司價值遠不止這個價值，所以希望低位配售比有實力人士(或者是自己人)，籍此在低位收更多的貨，什至是更便宜的方法收集，所以又會以折讓進行配售，之後一段時間就會有好消息接連出現，最後公司股價就會以倍計的方式上升。 例子︰我以一些近年比較明顯的例子跟大家解...

  比預期中高開，更新指數參考 17650 - 17947 踏入5月，相信大家都會比4月尾的最後一個星期強勢所嚇倒，究竟港股這一轉升完未 ? 5月份可以怎麼部署 ? 5窮月係咪要走貨 ? 試下寫篇文跟大家分析。(下面會講埋短線/即日點睇) 回顧4月份的預測 我多次講過除了第一季之外，基本上今年不會看得太差，3月初我做了3個預測。 1.4月份升的機會幾大 ; 2.有機會係先低後高 ; 3. 有機會挑戰17800 ; 結果，因為中東局勢問題，曾一度跌近16000點，但最終在4月尾挑戰17800，全個月計升了1220點。分析方法不太難，其實就係市寬+港交所，這套方法對於分析每個月的走勢預測非常有用，先高後低，先低後高，幾時見頂，好多推論都有數據的支撐及解釋，有興趣大家可以睇番我以前的patreon教學。 5月份走勢分析 我自己認為5月份仍然未必會太差，但先高後低的機會似乎會比較大，因為1.港交所企係20日線樓上，2. 市寬仍然處於上升勢頭。市寬︰我有一個量度指標，近600就超賣，近1600就超買，上月中東危機時曾經一度見700，港股就開展反彈，現在這個數未大概1400左右，所以又未見明顯超買 ; 388︰而家離20日線差不多$20，這個亦係港股強勢的基礎，升勢其實開始有所減慢，大戶資金流入流出都開始變得不穩定，但未見倒轉的勢頭。 有無咩見頂位置/信號可以參考 通常見頂的話，1. 388會係第一隻開始走弱，特別係以一個星期計跑輸恆指的話會更為明顯 ; 2. 市寬開始到1600左右 ; 3. 科技股明顯跑輸/轉弱勢 ; 這些都係開始見頂的跡像，加上如果有一日低開低走的話就會更明顯，未敢肯定港股會係咩位置先出現幾個情況，不過如果上個月轉倉價係17500的話，頂位有機會係18700，當然我覺得仍然以上面幾個準則更為客觀參考性，因為今個月轉倉價比較亂。 現在操作有沒有什麼重點 ? 港股是少有地港交所同恆指一齊企穩20日線，所以我會將現在這個市況歸類為強勢，強勢市況交易通常有幾個重點，1. 淡倉多數只會做日中 ; 2.淡倉過夜要極小心 ; 3. 如果見半日大跌，再追沽勝算未必大 ; 4. 如果見勢頭未有轉弱，或大幅上升的話，不妨更大瞻追上，因為港股係挾得快，跌得慢 ; 短線/即日點睇 ? 港股自從突破了17200的頸線後，就一直上升到18000，然後開始終於見回調，似乎係做p...

  「尾市」理論是多年來一直有人研究或想加把口的問題，好多時我地會突然見到股市在最後30分鐘峰迴路轉，突然間急升或急跌，什至係扭轉整個本來的走勢。多數坊間對「尾市」的走勢變化有幾種不同的講法。 1. 否定論︰最後30分鐘係最不可信，因為用少少錢就可以推郁個市。 2. 殺倉論︰想殺倉姐，用最後30分鐘令你好倉或淡倉不留到第二日。 3. 真相論︰愈近收市愈接近真相，應該要相信尾市的異動。 不知道大家會覺得係1/2/3那一派，我自己一開始反而無特別感覺，有時覺得係殺倉，有時覺得係真係有異動，反而我考慮另一個問題，有沒有什麼原因導致最後30分鐘升跌 ? 這明顯是兩個完全不同但有關係的問題。 所以我地反而要思考下面3個問題 1. 有沒有什麼因素導致最後30分鐘升跌? 2. 最後30分鐘升跌，有沒有代表什麼? 3. 不過解決上面兩個問題之前，我地已經要諗，最後30分鐘應該係指指數的最後30分鐘，定係期指的最後30分鐘。因為香港的指數係4:00收市，但期指是4:30收市，究竟邊一個30分鐘的意義更大 ? 所以簡單來說，我地今日就係要處理上面3個問題，驗證坊間一直以來對於尾市理論的猜想是否正確。從中看看有沒有什麼啟示。 第一步︰有什麼因素導致最後30分鐘升跌 ? 這一個問題其實最不難答，不過對大家來說應該都係最切身問題，好多時大家都會諗最後30分鐘應該平倉嗎 ? 還是留到最後一分鐘 ? 首先，我用一個最簡單的方法思考一個問題，什麼情況下股市上市的機會係最大 ? 正常就係近日走勢好的時候 ; 什麼情況下股市的下跌機會最大 ? 正常就係近日股市走勢非常差的時候。所以我一開始就用一個最簡單的方法分類，就係20日線，如果”HSI>20”日線，我地最後30分鐘就call 恆指，”HSI<20”日線，最後30分鐘就put 恆指，看看情況是怎樣。 我分開了3個時段做計算，當中3:30-4:00可以話係一個垃圾時間，2年落黎其實無明顯的趨勢，但都叫正數 ; 但4:00-4:30就不同，2年下來竟然有3000點回報，大家不要看少3000點回報，因為他只是講緊交易尾市最後30分鐘。 這裡顯示了一個好簡單的道理，最近走勢好，其實尾市30分鐘表現就會好，最近走勢差，尾市30分鐘表現就會差。如果再細緻一點就係，當日走勢好，尾市表現自然好，當日走勢差，尾市表現自然差，或許沒有比這個更簡單的...