阿斯財經投資專欄

  「尾市」理論是多年來一直有人研究或想加把口的問題，好多時我地會突然見到股市在最後30分鐘峰迴路轉，突然間急升或急跌，什至係扭轉整個本來的走勢。多數坊間對「尾市」的走勢變化有幾種不同的講法。 1. 否定論︰最後30分鐘係最不可信，因為用少少錢就可以推郁個市。 2. 殺倉論︰想殺倉姐，用最後30分鐘令你好倉或淡倉不留到第二日。 3. 真相論︰愈近收市愈接近真相，應該要相信尾市的異動。 不知道大家會覺得係1/2/3那一派，我自己一開始反而無特別感覺，有時覺得係殺倉，有時覺得係真係有異動，反而我考慮另一個問題，有沒有什麼原因導致最後30分鐘升跌 ? 這明顯是兩個完全不同但有關係的問題。 所以我地反而要思考下面3個問題 1. 有沒有什麼因素導致最後30分鐘升跌? 2. 最後30分鐘升跌，有沒有代表什麼? 3. 不過解決上面兩個問題之前，我地已經要諗，最後30分鐘應該係指指數的最後30分鐘，定係期指的最後30分鐘。因為香港的指數係4:00收市，但期指是4:30收市，究竟邊一個30分鐘的意義更大 ? 所以簡單來說，我地今日就係要處理上面3個問題，驗證坊間一直以來對於尾市理論的猜想是否正確。從中看看有沒有什麼啟示。 第一步︰有什麼因素導致最後30分鐘升跌 ? 這一個問題其實最不難答，不過對大家來說應該都係最切身問題，好多時大家都會諗最後30分鐘應該平倉嗎 ? 還是留到最後一分鐘 ? 首先，我用一個最簡單的方法思考一個問題，什麼情況下股市上市的機會係最大 ? 正常就係近日走勢好的時候 ; 什麼情況下股市的下跌機會最大 ? 正常就係近日股市走勢非常差的時候。所以我一開始就用一個最簡單的方法分類，就係20日線，如果”HSI>20”日線，我地最後30分鐘就call 恆指，”HSI<20”日線，最後30分鐘就put 恆指，看看情況是怎樣。 我分開了3個時段做計算，當中3:30-4:00可以話係一個垃圾時間，2年落黎其實無明顯的趨勢，但都叫正數 ; 但4:00-4:30就不同，2年下來竟然有3000點回報，大家不要看少3000點回報，因為他只是講緊交易尾市最後30分鐘。 這裡顯示了一個好簡單的道理，最近走勢好，其實尾市30分鐘表現就會好，最近走勢差，尾市30分鐘表現就會差。如果再細緻一點就係，當日走勢好，尾市表現自然好，當日走勢差，尾市表現自然差，或許沒有比這個更簡單的...

  這絕對是一個比較意外的發現，但大家有睇我節目，我經常在分析即日市況的時候，我都會提到3個數據，第一︰國指 ; 第二︰科指 ; 第三︰港交所，例如︰我地好難見到一個日子係三個指標都跌的情況下，港股重會有得升 ; 什至如果這3個指標當日都跑輸恆指的話，恆指當日再勁之後都難有運行，所以點解我日日都會望住這3個數字。 之前已經分析過一篇關於國指的文章，講述日中睇住國指炒恆指是比較好的，今日就反想探討科指，大家都知恆指入邊接近50%是屬於科技類股票，我在節目中經常都會遇到一個問題，就係 「阿斯，你成日都話用388 炒恆指，點解唔用騰訊炒恆指 ?」 這個講法其實好有道理，因為騰訊佔比比較大，他強，恆指也不會太弱，但這裡明顯有1個問題，就騰訊佔比係多，但因為太多，所以他與指數多數係同步作用，反而無太大超前的啟示性。不過，反而我研究到科指同恆指其實就有一定關係，什至可以預視恆指的走勢。 第一步︰失敗的科指策略 我之前有篇文用過388 的20日線來炒恆指，結果比起用HSI的20日線，表現更好，我試下用科指的20日線都炒恆指睇下會有咩情況? 策略︰ - 科指收市>20日線，CALL 恆指，第二日收市平倉，再決定開咩倉 ; - 科指收市<20日線，PUT 恆指，第二日收市平倉，再決定開咩倉 ; 其實結果幾令人失望，因為表現比起跟住HSI的20日線黎炒，表現只可以講係稍為好少少。亦間接證明了為什麼不可以用騰訊做訊號。 第二步︰pair trade 獲得的靈感 如果大家記得，2-3個月本身有篇文係講pair trade，當時我提到科指同恆指之間其實有一個關係，就係當如果 T-1(前一個交易日) 的HTI% *0.56 ”>” Hsi%，收市時就做科指好倉，恆指淡倉 ; 如果 T-1(前一個交易日) 的HTI% *0.56 "<" Hsi%，收市時就做科指淡倉，恆指好倉 https://www.patreon.com/posts/yi-ge-zhen-zheng-99197437?utm_medium=clipboard_copy&utm_source=copyLink&utm_campaign=postshare_creator&utm_content=join_link 結果，我地就會得到一個3年間回報102%，sha...

  作為大部份收入來源都係Day trade 的我，要估頂/底其實是一個好重要的工作，所以我的工作除了估計即日方向之外，更重要的就係估頂同底。要估到頂同底不外乎就靠兩種方式。 一︰price data 二︰non – price data 其實price / non – price data的分別就係在於，你在股價圖上見到的任合一切我地都叫做price data，即使你見到RSI/MACD/雙底/雙頂/平均線/黃金交差，通通都係由price data 演化出來，不過這類price data你知我知，大家都知，如果是效率比較差的市場是非常好用的，但要面對成熟的市場，通常要融合好幾個指標才會有不錯的效果，之後有機會我寫一篇文講講如何組成這些price data的指標的心得。 Non-price data就係我在這個patreon 入邊提到不少的指標，沽空﹑牛熊﹑中概股，都可以係一些很有啟示性的non – price data。今日反而想同大家分享一個近年我很喜歡研究的其中一個non-price data- 時間。 第一步︰時間點的重要性 首先，好熟悉我的讀者，都知道我的奶粉倉通常是11-12點先會開倉，原因同時間性是非常有關係。我有一堆策略是09:15 競價時段已經會開倉，也是時間性的問題 ; 有另一些策略09:45 就會開倉 ; 另外，有一些追突破的傳統策略要求10:00後先開倉 ; 滬深300期貨的補倉時間是 2:00點左右，如果不能夠補倉2點後通常都會有斬倉同埋夾倉的情況出現 ; 近來好有名的新式理論ICT也提倡每日有幾個時間點都非常容易出方向，也是時間性的應用。 所以，時間點作為一個NON-PRICE data的應用，其實是常有之事，背後原理其實不盡相同，有一些追突破，有一些是相反理論，有一些是殺倉，不過同大戶部署/大戶殺倉好有關係，什至是有機會成為一個策略。 第二步︰港股見頂見底的時間分佈 既然時間點那麼重要，我就直接同大家分享，我統計了過去兩年港股每日見頂及見底的時間點，看看當中會否有一些交易的想法。 上圖其實有幾個幾有趣的情況 1. 過去兩年接近4成的「見底」或「見頂」時間其實係10點前已經會出現，見頂的機會會會比見底大 ; 2. 過去兩年11點前港股見頂的機會高達60% 3. 過去兩年只有5%的機會係4:00 之後重會見新高 ; (換做折線圖的情...

  又黎每個月第一日，等我整篇大市睇法的文章出黎先，同大家分享之餘，又可以整理一下自己思路，係咪會員都可以睇到，都係果句，有大家支持我既研究，係我最開心的動力。 1. 港股的第一季總結/回顧 ? 上年年尾提提過第一季我自己偏淡少少，估二月無事，估三月係跟外圍跌，結果第一個月曾經跌近2500點之多，第二個月已經開始反彈，第三個月基本上都係走上落，外圍同港股都不見單邊的升跌幅，成個3月計最終更加只有1100點波幅，而第一季港股變左跌500點左右。3月份基本上跟我每朝提供的指數位就比較好做，好多時波幅都係朝早已經做完，下午少左跟勢再破位既情況，所以專炒下午的奶粉倉3月就只有微利。 2. 第二季點睇 ? 我分享過除左第一季之外，其他時間都覺得港股不似會太淡，當然我覺得不會一帆風順，應該不會坊間睇直接就17800，之後就20000這種變化，可能係4月先跌後升﹑5月升，然後6月跌，之後7月﹑8月又升番這種節奏。 3. 點解會咁睇 ? 講中線少少先，1. 北向資金流入的情況開始明顯，外資似乎係開始覺得阿爺不會太差，中港股市都有機會受惠 ; 2. 市寬︰上月提過港股市寬如果回到600-700(而家1000)，但指數不要跌太多就最好，結果上個月寫文既時候16600(市寬1500)，而家16500(市寬1000) ; 3. 頭肩底︰個個都講頭肩底，我執口水尾講下先。 4. 市寬跌，市唔跌，即係點 ? 這種行法幾有趣，不好聽你可以話係托沽，但好聽就係跌唔落，這種行法剛好就正正係上年12月既相反。當時係市寬升，市不升，最後港股都係得17000點，但市寬已經係1500見頂(近超買)，之後恆指1月就開始下跌了。所以同上個月分析一樣，如果市寬再回多少少到600-700(近超賣)，但指數維持16300樓上，就應該係最完美的情況，什至4月已經可能挑戰17800。 5. 短線點睇 ? 港股2日假，阿爺就連續兩日上升，黑期同ADR都沖到上16750，中概股隔夜就同美股一樣沖高回落，不過就中概好似硬淨少少，就咁睇應該唔會太差，睇下係咪一開市抽高然後回再上，連日弱勢的港交所友邦似有底味，睇下有無勢博個反彈。 6. 黎緊有咩搞? - 因為想放多少少時間係家庭，而家無左夜晚今夜不做牛，但收到不少朋友講話想都夜晚聽下，所以我睇下之後有無機會夜晚整段短既round up 比大家。 - 黎緊會寫一篇文，係用c...

  今個星期有幾日假，我想整理好兩個比較重要的題目，第一個係4月份股市的睇法，第二個係由CCASS睇第二季的大戶重心股。加上一連幾個星期我都係寫策略/數據類的主題，今日反而想同大家計一條數，可以話係奶粉倉其中一個成功的因素，大家都應該為自己去計一計呢條數。 在我過去提供的一堆策略中，或者每日大戶資金流表入面都有一粒數，就係(MDD)maximum drawdown，大家應該未必好明白這粒數有幾重要，我相信除了做program trade的人之外，其實都無人會認真地計這粒數，但我認為是非常重要的一個話題 ! 好多時大家用同一個策略，有人用會爆倉，有人用資產會以倍數上升，分別就係在於你有計定無計呢粒數，可以同大家分享，我當年奶粉倉未實行之前都係計了這個數先開始。 - 第一︰先了解maximum drawdown( MDD ) 之前有好多文章有同大家介紹過，MDD就是過去一段時間入面一個策略的回報自高位後回調的幅度，如果用一張圖的解釋就係下圖。 如果要再用更淺白的解釋就係，你假設而家行緊衰運，賭親都輸，最多會輸幾多。而每個策略都有自己的MDD，可能多可能少，只要你係有系統地買賣，都基本上會計到MDD，即使例如你每日都跟我指數位做trade都會計到MDD。 比一個例子大家 DAY 1 +200 => Drawdown(0) DAY 2 -200 => Drawdown(200) DAY 3 -50 => Drawdown(250) DAY 4 +200 => Drawdown(50) DAY 5 +100 => Drawdown(0) 上面例子，你見到5日入面，DAY3既Drawdown係250，係5日入面最多，所以你最黑仔就係輸250 (MDD=250)。好，去到呢度，你知道點計，但都未必知點解要計，下面就同大家分享你需要計的2個最重要原因。 - 第一︰計算到每一次應該下注幾多金額 - 假設你炒期指，你知道自己策略drawdown係10%（你真係要計 !） - 如果用指數平均20000點計算 - 即係最大可能係連續輸，輸大約2000點 - 2000點 *$50 = $100000 - 即係黑起上黎，你可以一次過輸10 萬 - 所以假設你戶口只有10 萬 (一張大期按金大約8-10萬) - 而MDD = 10%/2000點/10萬的情況...

  話說星期五恆指急跌，同一日之時其實離岸人仔同日大幅貶值，如果計USDCNH的話，當日升了0.76%(即人仔貶值了)，而同樣地港股當日亦曾經大跌近500點，不過問題係，兩者係咪真係有關係 ? 而事實上離岸人仔及港股的，經常都會被認為似係有一定關係，以近兩個星期情況看，離岸人仔上升的日子，港股都係上升趨勢，但離岸人仔仔下跌的日子，港股都係下跌趨勢。兩者之間似乎有一定關係，所以實上兩者可否建立一個相關的策略 ? 嚴格上黎講，這篇文不算是一個策略，我也不知道是什麼，反而有少少想讓大家了解一下處理一些比較麻煩的數據時的處理方式。   第一步︰外匯市場數據的處理 首先，我地認識一下一個比較難處理的話題，就係外匯的數據係邊度拎，同埋要點樣處理，我不是一個經常處理外匯交易的投資者，所以市場上最容易獲得離岸人仔數據的方法就係INVESTING https://hk.investing.com/currencies/usd-cnh-historical-data 由於外匯市場係24小時交易，如果要它的數據來做量化計算的話，就要先知道這些數據的交易時間，它的紀錄時間係香港時間的05:00 – 05:00，即係話他不是接近香港的一般交易時間，是橫誇了港股開市前及收市後的夜期時間。 亦即係，例如 18/3 05:00(外匯市場數據開展) -> 09:30(香港開市) -> 16:00 (香港收市) -> 19/3 05:00(外匯市場數據結算) 所以圖表中18/3的外匯數據其實係香港時間早上5點至第二朝(19/3)早上5點 而18/3的期指數據，就係香港時間09:15 – 16:30。另外，要留意的是這裡離岸人民幣價格，我係用USDCNH計算(FUTU直接打USDCNH就可以)，如果USDCNH下跌了，即係離岸人民幣上升了，反之亦然。 所以當你最終比較兩組數據時，你要知道自己想做什麼的比較。因為如果你用18/3的外匯數據同18/3的期指數據做比較，其實係計算他們交錯的時間中發生什麼事。這不是完全無意義的，我們之後會同大家解釋一下。 第二步︰計算兩者相關性 我們既然想知道離岸人仔同港股有無關係，當然最簡單的方法就係用兩者同日的表現作最簡單的比較，然後會發現，兩者間是有超高度的重覆性。 5年期間，Day trade的話有近6萬點回報，overnight的話...