阿斯財經投資專欄

  話就分享了好多指數類別的策略，今日反而想分享一個股短炒的策略，其實是我未集中研究指數走勢前，經常用到的個股策略，而且曾經是幫我賺到非常多錢。今日想跟大家分享一下，因為在未來幾個月的市況中，這個策略能應用的機會一定非常多。 先跟大家分享一下，雖然我在大學時因為課程要求，都設計過幾個量化交易策略，但實際應用上遠不及現在的精彩。而因為之前香港股市實在太「西」，而期指的交易又最為靈活，所以相對地我就投放大量心力在期指的量化交易研究上。 但實際上，我以前是研究大量公司通告/動作，亦都參與過不少公司上市的工作，所以對公司的財技操作，我亦都非常熟悉，亦都曾經賺過不少錢。不過後來因為市況問題，他們的操作都漸漸減少，不過最近市場又開始活躍，他們自然想在市場分一杯羹，所以我都覺得值得同大家分享一下，這個我認為最有效又易學的個股交易策略 – 配股。 第一問︰什麼是配股 ? 「配股」是擴大資本的動作，透過增發配票去集資。其實每間公司上市時已經有一個特地的股數公開發售出去集資，不過，當公司需要再集資的時候，就會申請額外多印一些股票，然後進行配股集資。 一間上市公司正常每年可以增發不多於20%的股票，通常公司為了更好地應付監管部門的要求都會寫「配股集資，用作一般營運用途」，稍為有心機一點可能會加多兩個解釋比你，不過愈寫得多其實愈有問題，之後會再講解。(20%只是一般性授權下的極限操作，有一些會多過20%，不過要過大會，監管機構都可能會出聲，所以現在少人做。) 第二問︰配股是好還好壞 ? 如果用上面的文字解釋，大家可能都不知道是好還是不好。的確其實「配股」背後其實可以隱含兩種解釋。 第一種情況︰股價在高位，管理層覺得股價應該差不多了，所以希望在高位配售公司股份，然後籍此為公司增加資金(你可以想像，這些錢最後總會有方法落番管理層的袋)，而正常來說，你要吸引其他人/基金，在高位接貨，一定要比少少折扣他們，所以配股通常又會有折讓，所以配股消息一出，通常第二日都會gap down，然後股價表現就會每況愈下。 第二種情況︰股價在低位，管理層知道自己公司價值遠不止這個價值，所以希望低位配售比有實力人士(或者是自己人)，籍此在低位收更多的貨，什至是更便宜的方法收集，所以又會以折讓進行配售，之後一段時間就會有好消息接連出現，最後公司股價就會以倍計的方式上升。 例子︰我以一些近年比較明顯的例子跟大家解...

  比預期中高開，更新指數參考 17650 - 17947 踏入5月，相信大家都會比4月尾的最後一個星期強勢所嚇倒，究竟港股這一轉升完未 ? 5月份可以怎麼部署 ? 5窮月係咪要走貨 ? 試下寫篇文跟大家分析。(下面會講埋短線/即日點睇) 回顧4月份的預測 我多次講過除了第一季之外，基本上今年不會看得太差，3月初我做了3個預測。 1.4月份升的機會幾大 ; 2.有機會係先低後高 ; 3. 有機會挑戰17800 ; 結果，因為中東局勢問題，曾一度跌近16000點，但最終在4月尾挑戰17800，全個月計升了1220點。分析方法不太難，其實就係市寬+港交所，這套方法對於分析每個月的走勢預測非常有用，先高後低，先低後高，幾時見頂，好多推論都有數據的支撐及解釋，有興趣大家可以睇番我以前的patreon教學。 5月份走勢分析 我自己認為5月份仍然未必會太差，但先高後低的機會似乎會比較大，因為1.港交所企係20日線樓上，2. 市寬仍然處於上升勢頭。市寬︰我有一個量度指標，近600就超賣，近1600就超買，上月中東危機時曾經一度見700，港股就開展反彈，現在這個數未大概1400左右，所以又未見明顯超買 ; 388︰而家離20日線差不多$20，這個亦係港股強勢的基礎，升勢其實開始有所減慢，大戶資金流入流出都開始變得不穩定，但未見倒轉的勢頭。 有無咩見頂位置/信號可以參考 通常見頂的話，1. 388會係第一隻開始走弱，特別係以一個星期計跑輸恆指的話會更為明顯 ; 2. 市寬開始到1600左右 ; 3. 科技股明顯跑輸/轉弱勢 ; 這些都係開始見頂的跡像，加上如果有一日低開低走的話就會更明顯，未敢肯定港股會係咩位置先出現幾個情況，不過如果上個月轉倉價係17500的話，頂位有機會係18700，當然我覺得仍然以上面幾個準則更為客觀參考性，因為今個月轉倉價比較亂。 現在操作有沒有什麼重點 ? 港股是少有地港交所同恆指一齊企穩20日線，所以我會將現在這個市況歸類為強勢，強勢市況交易通常有幾個重點，1. 淡倉多數只會做日中 ; 2.淡倉過夜要極小心 ; 3. 如果見半日大跌，再追沽勝算未必大 ; 4. 如果見勢頭未有轉弱，或大幅上升的話，不妨更大瞻追上，因為港股係挾得快，跌得慢 ; 短線/即日點睇 ? 港股自從突破了17200的頸線後，就一直上升到18000，然後開始終於見回調，似乎係做p...

  「尾市」理論是多年來一直有人研究或想加把口的問題，好多時我地會突然見到股市在最後30分鐘峰迴路轉，突然間急升或急跌，什至係扭轉整個本來的走勢。多數坊間對「尾市」的走勢變化有幾種不同的講法。 1. 否定論︰最後30分鐘係最不可信，因為用少少錢就可以推郁個市。 2. 殺倉論︰想殺倉姐，用最後30分鐘令你好倉或淡倉不留到第二日。 3. 真相論︰愈近收市愈接近真相，應該要相信尾市的異動。 不知道大家會覺得係1/2/3那一派，我自己一開始反而無特別感覺，有時覺得係殺倉，有時覺得係真係有異動，反而我考慮另一個問題，有沒有什麼原因導致最後30分鐘升跌 ? 這明顯是兩個完全不同但有關係的問題。 所以我地反而要思考下面3個問題 1. 有沒有什麼因素導致最後30分鐘升跌? 2. 最後30分鐘升跌，有沒有代表什麼? 3. 不過解決上面兩個問題之前，我地已經要諗，最後30分鐘應該係指指數的最後30分鐘，定係期指的最後30分鐘。因為香港的指數係4:00收市，但期指是4:30收市，究竟邊一個30分鐘的意義更大 ? 所以簡單來說，我地今日就係要處理上面3個問題，驗證坊間一直以來對於尾市理論的猜想是否正確。從中看看有沒有什麼啟示。 第一步︰有什麼因素導致最後30分鐘升跌 ? 這一個問題其實最不難答，不過對大家來說應該都係最切身問題，好多時大家都會諗最後30分鐘應該平倉嗎 ? 還是留到最後一分鐘 ? 首先，我用一個最簡單的方法思考一個問題，什麼情況下股市上市的機會係最大 ? 正常就係近日走勢好的時候 ; 什麼情況下股市的下跌機會最大 ? 正常就係近日股市走勢非常差的時候。所以我一開始就用一個最簡單的方法分類，就係20日線，如果”HSI>20”日線，我地最後30分鐘就call 恆指，”HSI<20”日線，最後30分鐘就put 恆指，看看情況是怎樣。 我分開了3個時段做計算，當中3:30-4:00可以話係一個垃圾時間，2年落黎其實無明顯的趨勢，但都叫正數 ; 但4:00-4:30就不同，2年下來竟然有3000點回報，大家不要看少3000點回報，因為他只是講緊交易尾市最後30分鐘。 這裡顯示了一個好簡單的道理，最近走勢好，其實尾市30分鐘表現就會好，最近走勢差，尾市30分鐘表現就會差。如果再細緻一點就係，當日走勢好，尾市表現自然好，當日走勢差，尾市表現自然差，或許沒有比這個更簡單的...

  這絕對是一個比較意外的發現，但大家有睇我節目，我經常在分析即日市況的時候，我都會提到3個數據，第一︰國指 ; 第二︰科指 ; 第三︰港交所，例如︰我地好難見到一個日子係三個指標都跌的情況下，港股重會有得升 ; 什至如果這3個指標當日都跑輸恆指的話，恆指當日再勁之後都難有運行，所以點解我日日都會望住這3個數字。 之前已經分析過一篇關於國指的文章，講述日中睇住國指炒恆指是比較好的，今日就反想探討科指，大家都知恆指入邊接近50%是屬於科技類股票，我在節目中經常都會遇到一個問題，就係 「阿斯，你成日都話用388 炒恆指，點解唔用騰訊炒恆指 ?」 這個講法其實好有道理，因為騰訊佔比比較大，他強，恆指也不會太弱，但這裡明顯有1個問題，就騰訊佔比係多，但因為太多，所以他與指數多數係同步作用，反而無太大超前的啟示性。不過，反而我研究到科指同恆指其實就有一定關係，什至可以預視恆指的走勢。 第一步︰失敗的科指策略 我之前有篇文用過388 的20日線來炒恆指，結果比起用HSI的20日線，表現更好，我試下用科指的20日線都炒恆指睇下會有咩情況? 策略︰ - 科指收市>20日線，CALL 恆指，第二日收市平倉，再決定開咩倉 ; - 科指收市<20日線，PUT 恆指，第二日收市平倉，再決定開咩倉 ; 其實結果幾令人失望，因為表現比起跟住HSI的20日線黎炒，表現只可以講係稍為好少少。亦間接證明了為什麼不可以用騰訊做訊號。 第二步︰pair trade 獲得的靈感 如果大家記得，2-3個月本身有篇文係講pair trade，當時我提到科指同恆指之間其實有一個關係，就係當如果 T-1(前一個交易日) 的HTI% *0.56 ”>” Hsi%，收市時就做科指好倉，恆指淡倉 ; 如果 T-1(前一個交易日) 的HTI% *0.56 "<" Hsi%，收市時就做科指淡倉，恆指好倉 https://www.patreon.com/posts/yi-ge-zhen-zheng-99197437?utm_medium=clipboard_copy&utm_source=copyLink&utm_campaign=postshare_creator&utm_content=join_link 結果，我地就會得到一個3年間回報102%，sha...

  作為大部份收入來源都係Day trade 的我，要估頂/底其實是一個好重要的工作，所以我的工作除了估計即日方向之外，更重要的就係估頂同底。要估到頂同底不外乎就靠兩種方式。 一︰price data 二︰non – price data 其實price / non – price data的分別就係在於，你在股價圖上見到的任合一切我地都叫做price data，即使你見到RSI/MACD/雙底/雙頂/平均線/黃金交差，通通都係由price data 演化出來，不過這類price data你知我知，大家都知，如果是效率比較差的市場是非常好用的，但要面對成熟的市場，通常要融合好幾個指標才會有不錯的效果，之後有機會我寫一篇文講講如何組成這些price data的指標的心得。 Non-price data就係我在這個patreon 入邊提到不少的指標，沽空﹑牛熊﹑中概股，都可以係一些很有啟示性的non – price data。今日反而想同大家分享一個近年我很喜歡研究的其中一個non-price data- 時間。 第一步︰時間點的重要性 首先，好熟悉我的讀者，都知道我的奶粉倉通常是11-12點先會開倉，原因同時間性是非常有關係。我有一堆策略是09:15 競價時段已經會開倉，也是時間性的問題 ; 有另一些策略09:45 就會開倉 ; 另外，有一些追突破的傳統策略要求10:00後先開倉 ; 滬深300期貨的補倉時間是 2:00點左右，如果不能夠補倉2點後通常都會有斬倉同埋夾倉的情況出現 ; 近來好有名的新式理論ICT也提倡每日有幾個時間點都非常容易出方向，也是時間性的應用。 所以，時間點作為一個NON-PRICE data的應用，其實是常有之事，背後原理其實不盡相同，有一些追突破，有一些是相反理論，有一些是殺倉，不過同大戶部署/大戶殺倉好有關係，什至是有機會成為一個策略。 第二步︰港股見頂見底的時間分佈 既然時間點那麼重要，我就直接同大家分享，我統計了過去兩年港股每日見頂及見底的時間點，看看當中會否有一些交易的想法。 上圖其實有幾個幾有趣的情況 1. 過去兩年接近4成的「見底」或「見頂」時間其實係10點前已經會出現，見頂的機會會會比見底大 ; 2. 過去兩年11點前港股見頂的機會高達60% 3. 過去兩年只有5%的機會係4:00 之後重會見新高 ; (換做折線圖的情...

  又黎每個月第一日，等我整篇大市睇法的文章出黎先，同大家分享之餘，又可以整理一下自己思路，係咪會員都可以睇到，都係果句，有大家支持我既研究，係我最開心的動力。 1. 港股的第一季總結/回顧 ? 上年年尾提提過第一季我自己偏淡少少，估二月無事，估三月係跟外圍跌，結果第一個月曾經跌近2500點之多，第二個月已經開始反彈，第三個月基本上都係走上落，外圍同港股都不見單邊的升跌幅，成個3月計最終更加只有1100點波幅，而第一季港股變左跌500點左右。3月份基本上跟我每朝提供的指數位就比較好做，好多時波幅都係朝早已經做完，下午少左跟勢再破位既情況，所以專炒下午的奶粉倉3月就只有微利。 2. 第二季點睇 ? 我分享過除左第一季之外，其他時間都覺得港股不似會太淡，當然我覺得不會一帆風順，應該不會坊間睇直接就17800，之後就20000這種變化，可能係4月先跌後升﹑5月升，然後6月跌，之後7月﹑8月又升番這種節奏。 3. 點解會咁睇 ? 講中線少少先，1. 北向資金流入的情況開始明顯，外資似乎係開始覺得阿爺不會太差，中港股市都有機會受惠 ; 2. 市寬︰上月提過港股市寬如果回到600-700(而家1000)，但指數不要跌太多就最好，結果上個月寫文既時候16600(市寬1500)，而家16500(市寬1000) ; 3. 頭肩底︰個個都講頭肩底，我執口水尾講下先。 4. 市寬跌，市唔跌，即係點 ? 這種行法幾有趣，不好聽你可以話係托沽，但好聽就係跌唔落，這種行法剛好就正正係上年12月既相反。當時係市寬升，市不升，最後港股都係得17000點，但市寬已經係1500見頂(近超買)，之後恆指1月就開始下跌了。所以同上個月分析一樣，如果市寬再回多少少到600-700(近超賣)，但指數維持16300樓上，就應該係最完美的情況，什至4月已經可能挑戰17800。 5. 短線點睇 ? 港股2日假，阿爺就連續兩日上升，黑期同ADR都沖到上16750，中概股隔夜就同美股一樣沖高回落，不過就中概好似硬淨少少，就咁睇應該唔會太差，睇下係咪一開市抽高然後回再上，連日弱勢的港交所友邦似有底味，睇下有無勢博個反彈。 6. 黎緊有咩搞? - 因為想放多少少時間係家庭，而家無左夜晚今夜不做牛，但收到不少朋友講話想都夜晚聽下，所以我睇下之後有無機會夜晚整段短既round up 比大家。 - 黎緊會寫一篇文，係用c...

  今個星期有幾日假，我想整理好兩個比較重要的題目，第一個係4月份股市的睇法，第二個係由CCASS睇第二季的大戶重心股。加上一連幾個星期我都係寫策略/數據類的主題，今日反而想同大家計一條數，可以話係奶粉倉其中一個成功的因素，大家都應該為自己去計一計呢條數。 在我過去提供的一堆策略中，或者每日大戶資金流表入面都有一粒數，就係(MDD)maximum drawdown，大家應該未必好明白這粒數有幾重要，我相信除了做program trade的人之外，其實都無人會認真地計這粒數，但我認為是非常重要的一個話題 ! 好多時大家用同一個策略，有人用會爆倉，有人用資產會以倍數上升，分別就係在於你有計定無計呢粒數，可以同大家分享，我當年奶粉倉未實行之前都係計了這個數先開始。 - 第一︰先了解maximum drawdown( MDD ) 之前有好多文章有同大家介紹過，MDD就是過去一段時間入面一個策略的回報自高位後回調的幅度，如果用一張圖的解釋就係下圖。 如果要再用更淺白的解釋就係，你假設而家行緊衰運，賭親都輸，最多會輸幾多。而每個策略都有自己的MDD，可能多可能少，只要你係有系統地買賣，都基本上會計到MDD，即使例如你每日都跟我指數位做trade都會計到MDD。 比一個例子大家 DAY 1 +200 => Drawdown(0) DAY 2 -200 => Drawdown(200) DAY 3 -50 => Drawdown(250) DAY 4 +200 => Drawdown(50) DAY 5 +100 => Drawdown(0) 上面例子，你見到5日入面，DAY3既Drawdown係250，係5日入面最多，所以你最黑仔就係輸250 (MDD=250)。好，去到呢度，你知道點計，但都未必知點解要計，下面就同大家分享你需要計的2個最重要原因。 - 第一︰計算到每一次應該下注幾多金額 - 假設你炒期指，你知道自己策略drawdown係10%（你真係要計 !） - 如果用指數平均20000點計算 - 即係最大可能係連續輸，輸大約2000點 - 2000點 *$50 = $100000 - 即係黑起上黎，你可以一次過輸10 萬 - 所以假設你戶口只有10 萬 (一張大期按金大約8-10萬) - 而MDD = 10%/2000點/10萬的情況...